The Kapil Sharma Show : 'द कपिल शर्मा शो' (The Kapil Sharma Show) या छोट्या पडद्यावरील प्रसिद्ध मालिकेला प्रेक्षकांची नेहमी पसंती मिळते. बॉलिवूडमधील अनेक कलाकार या शोमध्ये येऊन त्यांच्या आयुष्यातील वेगवेगळे किस्से प्रेक्षकांसोबत शेअर करतात. कपिल शर्मा (Kapil Sharma),कृष्णा अभिषेक (Krushna Abhishek),भारती सिंह (Bharti Singh),किकू शारदा (Kiku Sharda) हे कलाकार त्यांच्या विनोदी शैलीने प्रेक्षकांना खळखळून हसवतात. आता या कार्यक्रमाचा नवा सिझन लवकरच प्रेक्षकांच्या भेटीस येतोय.
कपिल शर्मा शो काही दिवस प्रेक्षकांच्या भेटीस येत नव्हता पण आता या कार्यक्रमाचा नवा सिझन रिलीज होतोय. या सिझनबाबत कपिलनं सोशल मीडियावर माहिती दिली. कपिल शर्मकडून शेअर करण्यात आलेल्या पोस्टमध्ये लिहिलं आहे, 'आम्ही सर्वजण कपिल शर्मा शोवर प्रेम करतो. पण जर तुम्हीला देखील यामध्ये सहभागी व्हायचं असेल तर तुम्ही आम्हाला प्रोफाईल पाठवू शकता.' या पोस्टखाली काही मेल आयडी देखील देण्यात आले आहेत. या आयडीवर इच्छूक लोक प्रोफाईल पाठवू शकतात.
नेटकरी म्हणाले, सुनील ग्रोवरला परत आणा
कपिल शर्मानं शेअर केलेल्या पोस्टला अनेकांनी कमेंट्स केल्या आहेत. यामध्ये काही लोकांनी अभिनेता सुनील ग्रोवरला या शोमध्ये परत आणण्याची मागणी केली आहे. कपिल शर्मा शोमध्ये सुनील हा ‘डॉ मशहूर गुलाटी’ही भूमिका साकारत होता. पण काही कारणांमुळे सुनीलनं हा सोडला. रिपोर्टनुसार, कपिलसोबत झालेल्या वादामुळे त्यानं शो सोडण्याचा निर्णय घेतला.
23 एप्रिल 2016 रोजी 'द कपिल शर्मा' शोची सुरूवात झाली. अभिनेता सलमान खान या शोचा निर्माता आहे. कपिल या कार्यक्रमाचे सूत्रसंचालन करतो.
वाचा इतर बातम्या: