Tejshree Pradhan on Kareena Kapoor Khan Post : बॉलीवूड अभिनेता सैफ अली खान (Saif Ali Khan) हा आज त्याचा वाढदिवस साजरा करत आहे. त्यानिमित्ताने त्याची पत्नी आणि अभिनेत्री करिना कपूर खान (Kareena Kapoor Khan) हिची पोस्ट सध्या चर्चेत आलीये. तिने तिच्या सोशल मीडियावर सैफ अली खानसोबतचा जुना फोटो पोस्ट केला आहेत. त्याचप्रमाणे तिने हटके कॅप्शन देऊन त्याला वाढदिवसाच्या शुभेच्छा दिल्या आहेत. पण या सगळ्यात एका मराठी अभिनेत्रीने त्यांच्या पोस्टवर केलेली कमेंट सध्या चर्चेत आली आहे.
अभिनेत्री तेजश्री प्रधान हिने सैफच्या वाढदिवसानिमित्त करिनाने केलेल्या पोस्टवर कमेंट केली आहे. अनेकांनी तेजश्रीची ही कमेंट लाईकही केली आहे. तेजश्रीने सैफ आणि करिनाच्या पोस्टवर 'Indeed' म्हणजेच खरंच असं म्हटलं आहे.
करिनाने पोस्टमध्ये काय म्हटलं?
करिनाने त्यांच्या दोघांचे 2007 आणि 2024 मधले फोटो सोशल मीडियावर शेअर केले आहेत. त्यामध्ये तिने म्हटलं की, 'happy birthday to the love of my life... 2007 ते 2024 कोणी विचार केला होता? सगळे म्हणतात की, पुढे जात राहा आणि आपण ते शांतपणे आणि चांगल्या पद्धतीने केलं आहे.'
तेजश्रीचा अभिनयाचा प्रवास
लेक लाडकी या घरची,प्रेम हे,अग्गाबाई सासूबाई या मालिकांमध्ये तेजश्रीनं काम केलं आहे. तेजश्रीच्या होणार सून मी ह्या घरची या मालिकेतील जान्हवी या भूमिकेनं प्रेक्षकांची मनं जिंकली. झेंडा, लग्न पाहावे करुन, शर्यत या चित्रपटांमध्ये तेजश्रीनं काम केलं. ती साध्या काय करते या चित्रपटामधील तेजश्रीच्या अभिनयाला प्रेक्षकांची विशेष पसंती मिळाली. त्याचप्रमाणे सध्या ती प्रेमाची गोष्ट या मालिकेतून प्रेक्षकांच्या भेटीला येत आहे. तेजश्रीच्या सोशल मीडियावरील पोस्ट अनेकांचे लक्ष वेधतात. तेजश्रीला इन्स्टाग्रामवर 1.2 मिलियन फॉलोवर्स आहेत.