Taj-Divided by Blood: विविध विषयांवर आधारित असणाऱ्या वेब सीरिज ओटीटी प्लॅटफॉर्मवरुन प्रेक्षकांच्या भेटीस येत असतात. 'ताज डिव्हायडेड बाय ब्लड' (Taj-Divided by Blood) ही वेब सीरिज लवकरच ओटीटी प्लॅटफॉर्मवर रिलीज होणार आहे. या मल्टिस्टारर वेब सीरिजची प्रेक्षक उत्सुकतेने वाट बघत आहेत. धर्मेंद्र (Dharmendra), नसिरुद्दीन शाह (Naseeruddin Shah) यांसारखे दिग्गज कलाकार या सीरिजमध्ये महत्वाची भूमिका साकारणार आहे. एक मराठमोळा अभिनेता या सीरिजमध्ये बिरबल ही भूमिका साकारणार आहे. या मराठमोळ्या अभिनेत्यानं सोशल मीडियावर त्याच्या लूक टेस्टचा फोटो शेअर केला आहे.
सुबोध भावे साकारणार 'बिरबल'ची भूमिका
अभिनेता सुबोध भावे हा 'ताज डिव्हायडेड बाय ब्लड' या वेब सीरिजमध्ये 'बिरबल'ची भूमिका साकारणार आहे. त्यानं या सीरिजच्या लूक टेस्टचा फोटो शेअर केला आहे. या फोटोला त्यानं कॅप्शन दिलं, 'फर्स्ट लूक टेस्ट' या फोटोला त्यानं बिरबल, 'ताज डिव्हायडेड बाय ब्लड' या हॅशटॅग्सचा देखील वापर केला आहे. सुबोधच्या या लूकनं अनेकांचे लक्ष वेधले. सुबोधनं शेअर केलेल्या फोटोला कमेंट करुन अनेकांनी त्याच्या या आगामी वेब सीरिजसाठी शुभेच्छा दिल्या आहेत.
पाहा फोटो
'ताज डिव्हायडेड बाय ब्लड' या वेब सीरिजची स्टार कास्ट
धर्मेंद्र, अदिती राव हैदरी आणि आशीम गुलाटी, ताहा शाह, शुभम कुमार मेहरा, राहुल बोस या कलाकारांनी 'ताज डिव्हायडेड बाय ब्लड' या वेब सीरिजमध्ये मुख्य भूमिका साकारली आहे. या सीरिजमध्ये धर्मेंद्र हे सलीम चिश्ती नावाच्या सुफी संतांची भूमिका साकारणार आहेत. तरअदिती राव हैदरी ही या सीरिजमध्ये अनारकली ही भूमिका साकारणार आहे. अभिनेते नसिरुद्दीन शाह हे या सीरिजमध्ये अकबर ही भूमिका साकारणार आहेत. या सीरिजचा ट्रेलर देखील प्रेक्षकांच्या भेटीस आला. आता या सीरिजची प्रेक्षक उत्सुकतेने वाट बघत आहेत.
सीरिज 'या' दिवशी येणार प्रेक्षकांच्या भेटीस
'ताज डिव्हायडेड बाय ब्लड' ही वेब सीरिज 3 मार्चपासून झी-5 या ओटीटी प्लॅटफॉर्मवर स्ट्रीम होणार आहे.
महत्त्वाच्या इतर बातम्या :
Dharmendra: धर्मेंद्र झाले सुफी संत; 'ताज रॉयल ब्लड' सीरिजमधील लूकचा फोटो केला शेअर