Gadar 2 Jailer OMG 2 Ghoomer Box Office Collection : मनोरंजनसृष्टी बहरलेली आहे. बॉलिवूड अभिनेता सनी देओल (Sunny Deol) आणि अमिषा पटेल (Ameesha Patel) यांचा 'गदर 2' (Gadar 2), बॉलिवूडचा खिलाडी अक्षय कुमारचा (Akshay Kumar) 'ओएमजी 2' (OMG 2) आणि दाक्षिणात्य सुपरस्टार रजनीकांतचा (Rajinikanth) 'जेलर' (Jailer), अभिषेक बच्चन (Abhishek Bachchan) आणि सैयामी खेर (Saiyami Kher) अभिनीत 'घूमर' (Ghoomer) हे सिनेमे बॉक्स ऑफिसवर धमाका करत आहेत. या सिनेमांसह 'बाईपण भारी देवा' (Baipan Bhaari Deva), 'मिशन इम्पॉसिबल' (Mission: Impossible), 'बार्बी' (Barbie), 'ओपनहायमर' (Oppenheimer), 'रॉकी और राणी की प्रेक कहानी' (Rocky Aur Rani Ki Prem Kahani) आणि 'ओह माय गॉड 2' (OMG 2) या सिनेमांचाही बॉक्स ऑफिसवर बोलबाला आहे.
मल्टिस्क्रीन असो किंवा सिंगल स्क्रीन असो... सगळी थिएटर सध्या प्रेक्षकांच्या धबधब्याने ओथंबून वाहत आहेत. प्रेक्षकांच्या इतक्या उड्या पडतायत की, सिनेमाच्या पडद्याला सध्या अक्षरश: सोन्याचे दिवस आले आहेत. खरंतर, गेल्या काही वर्षांत सिनेमे चालत नसल्याची ओरड होत होती. मात्र, 'बाईपण भारी देवा' (Baipan Bhaari Deva) हा आपला मराठमोळा सिनेमा आला आणि थिएटर्सचा गल्लापण लयभारी होऊन गेला.
परदेशातून आलेल्या 'मिशन इम्पॉसिबल' (Mission: Impossible) आणि 'बार्बी' (Barbie), 'ओपनहायमर' (Oppenheimer) या सिनेमांनीही इम्पॉसिबल म्हणता येईल, एवढी कमाई केली. रणवीर सिंह (Ranveer Singh) आणि आलिया भट्ट (Alia Bhatt) यांनीही सिनेमाच्या खिडकीवर चांगलाच जलवा दाखवला. त्यानंतर आला, सनी पाजींचा (Sunny Deol) 'गदर 2'... ज्या दणक्यात 'गदर-2' (Gadar 2) मध्ये फायटिंग दाखवली गेली आहे, तितक्याच दणक्यात तिकीटबारीवरही गल्ल्याने धूमधडाका केला आहे. एकूणच, सध्या सिनेमांना सोन्याचे दिवस आले आहेत.
महाराष्ट्रासह देशातील सिनेमागृहांत प्रेक्षकांची रीघ
दाक्षिणात्य सुपरस्टार रजनीकांत (Rajinikanth) यांची क्रेझ चाहत्यांमध्ये कायम आहे.रिलीजच्या 11 दिवसांत भारतात या सिनेमाने (Jailer Box Office Collection) 280.85 कोटींची कमाई केली आहे. तर दुसरीकडे जगभरात या सिनेमाने 507.4 कोटींची करत चांगलाच गल्ला जमवला आहे. रजनीकांत सिर्फ नाम ही काही है असं म्हणत चाहते त्यांच्या लाडक्या अण्णाचा सिनेमा पाहायला जात आहेत.
एकीकडे दाक्षिणात्य सिनेमाचा बॉक्स ऑफिसवर बोलबाला असतानाही बॉलिवूड सिनेमांची क्रेझही सिनेप्रेमींमध्ये कायम आहे. अक्षय कुमार (Akshay Kumar) आणि पंकज त्रिपाठी (Pankaj Tripathi) यांचा 'ओएमजी 2' (OMG 2 Box Office Collection) या सिनेमाने 114.31 कोटींची कमाई केली आहे. तर साठी ओलांडलेल्या सनी देओल (Sunny Deol) आणि अमिषा पटेल (Ameesha Patel) यांच्या 'गदर 2' (Gadar 2 Box Office Collection) या सिनेमानेही बॉक्स ऑफिसवर 377.2 कोटींचा गल्ला जमवला आहे. अभिषेक बच्चन (Abhishek Bachchan) आणि सैयामी खेर (Saiyami Kher) यांचा 'घूमर' (Ghoomer Box Office Collection) या सिनेमानेही रिलीजच्या तीन दिवसांत 3.47 कोटींची कमाई केली आहे.
संबंधित बातम्या