पहिल्या दिवशी सुलतानने 36.54 कोटी रुपयांचा गल्ला जमवून 2016 या वर्षातली विक्रमी ओपनिंग मिळवली होती. ईद एक दिवस पुढे गेल्यामुळे प्रत्यक्ष ईदच्या दिवशी सुलतानची कमाई त्याहून जास्त म्हणजे 37.32 कोटी इतकी झाली.
शुक्रवारी सुलतानने 31.67 कोटी रुपयांचं कलेक्शन केलं. त्यानंतर विकेंडला म्हणजे शनिवारी 36.62 कोटी तर रविवारी 38.21 कोटी रुपये कमावले. तीन दिवसांत 100 कोटींच्या बॉक्समध्ये प्रवेश करत एक्स्टेन्डेड विकेंड (बुधवार ते रविवार हे पाच दिवस) मध्ये सुलतानने 180.36 कोटींची कमाई केली.
सुलतान हा सिनेमा अली अब्बास जाफर यांनी दिग्दर्शित केला आहे. सलमान खानने सुलतान पैलवानाची भूमिका साकारली आहे. तर अनुष्का शर्माही मुख्य भूमिकेत आहे.
दिवस - कमाई (कोटींमध्ये)
बुधवार (6 जुलै) - ₹ 36.54
गुरुवार (7 जुलै) - ₹ 37.32
शुक्रवार (8 जुलै) - ₹ 31.67
शनिवार (9 जुलै) - ₹ 36.62
रविवार (10 जुलै) - ₹ 38.21
एकूण - ₹ 180.36