Abhishek Banerjee Roles : स्त्री 2 चित्रपटाचा सध्या बॉक्स ऑफिसवर धामाका पाहायला मिळत आहे. रिलीजनंतर दहाव्या दिवशीही चित्रपटाची जादू कमी झालेली नाही. या हॉरर कॉमेडी चित्रपटांना धोबीपछाड देत तगडी कमाई केली आहे. याचा फायदा चित्रपटातील कलाकारांनाही झाला आहे. स्त्री 2 चित्रपटामुळे कलाकारांसाठी चांगल्या संधी मिळत आहेत.
स्त्री 2 च्या यशानंतर अभिनेत्याचं नशीब फळफळलं
स्त्री 2 चित्रपटामुळे (Stree 2 Movie) एकीकडे श्रद्धा कपूरचा चाहतावर्ग वाढला असून तिच्या इंस्टाग्राम फॉलोअर्समध्ये वाढ झाली आहे, तर दुसरीकडे चित्रपटातील इतर कलाकारांचं ही नशीब फळफळलं आहे. या चित्रपटातील एका अभिनेत्याला अनेक चित्रपटांसाठी मुख्य भूमिकेची ऑफर मिळाली आहे. स्त्री 2 चित्रपटाच्या निर्मात्यांनी बॉक्स ऑफिसवर चांगला गल्ला साठवला आहे, तर चित्रपटातील कलाकारांनाही खूप प्रसिद्धी मिळाली आहे. अभिनेता अभिषेक बॅनर्जीचे (Abhishek Banerjee) नशीब पालटलं आहे. आता त्याला चित्रपटांसाठी मुख्य भूमिकांची ऑफर दिली जात आहे.
स्त्री 2 चित्रपटामुळे नशीब पालटलं
अभिषेक बॅनर्जीने म्हटलं आहे की, 'स्त्री 2 चित्रपटानंतर खूप फरक पडला आहे. मला सध्या अनेक ऑफर मिळत आहे, पूर्वी अशा भूमिका मिळत नव्हत्या. मला पूर्वी ज्या ऑफर्स येत होत्या, त्या कमी बजेटच्या होत्या. गेल्या आठवड्यात मला तीन चित्रपटांच्या ऑफर मिळाल्या आहेत. मी स्क्रिप्ट वाचायला सुरुवात केली आहे, पुढे काय करायचे ते ठरवेन.
एकाच वेळी तीन चित्रपटांत मुख्य भूमिकेची ऑफर
अभिषेक बॅनर्जी पुढे म्हणाला की, त्याला मोठ्या पडद्यावर बौद्धिक दिसण्याची इच्छा नाही आणि म्हणून त्याने अनेक ऑफर्स नाकारल्याचं सांगितलं आहे. अभिषेकने म्हणाला की, त्याच्या थिएटरच्या दिवसांत, एका मित्राने त्याला सांगितलं होतं की,तू खूप व्यावसायिक आहेस आणि तो कौतुकाने खूप आनंदी आहे. अभिषेक म्हणाला, मला व्यावसायिक चित्रपट करताना खूप मजा येते. लोकांचे मनोरंजन करण्यासाठी, मला स्टोलन (Stolen) सारखा चित्रपट करताना तितकाच आनंद मिळतो. एक अभिनेता म्हणून मी कंटाळवाण्या गोष्टी करू शकत नाही.
महत्त्वाच्या इतर बातम्या :