Sooryavanshi On November 5 : बॉलिवूड अभिनेता (Akshay Kumar) चा आगामी चित्रपट 'सूर्यवंशी'ची (Sooryavanshi) प्रतिक्षा संपली आहे. लवकरच सिनेमागृहात चित्रपट पाहायला मिळणार आहे. या चित्रपटाचे दिग्दर्शन रोहित शेट्टीने (Rohit Shetty) केले आहे. चित्रपटात अक्षय व्यतिरिक्त अजय देवगण (Ajay Devgn) आणि रणवीर सिंह (Ranveer Singh) प्रमुख भूमिकेत दिसून येणार आहेत. अक्षय कुमार, अजय देवगण, रणवीर सिंहने चित्रपटाचा व्हिडीओ शेअर करत 'सूर्यवंशी' सिनेमा प्रदर्शित होण्याची तारीख जाहीख केली आहे. हा चित्रपट दिवाळीत 5 नोव्हेंबरला प्रदर्शित होणार आहे. 


अक्षय, अजय, रणवीरने शेअर केला खास व्हिडीओ
अक्षय, अजय आणि रणवीरने त्यांच्या सोशल मीडिया अकाउंटवर हा व्हिडीओ शेअर केला आहे. या व्हिडीओमध्ये ते तिघेही चित्रपटगृहाच्या आत दिसून येत आहेत. व्हिडीओच्या सुरूवातीला अक्षय म्हणतो, "मित्रांनो या भिंती आठवत आहेत ना तुम्हाला, या भिंतींनी तुम्हाला अनेक रंगांच दर्शन घडवलेलं आहे. तुमचा आनंद, रडणं, प्रेम, राग हे सर्व या भिंतींना आठवत आहे. कधीच कोणी विचार केला नव्हता की चित्रपटातील मध्यंतरासारखा आयुष्यातदेखील मध्यंतर येईल. पण अंधाऱ्या रात्री नंतर सकाळ नक्कीच उजाडते. आता आम्ही आलो आहोत तुमच्या भेटीला."या व्हिडीओसोबत त्याने कॅप्शन लिहिले आहे, मध्यंतर आता संपले आहे,"कार्यक्रमाची वेळ सुरू झाली आहे, या दिवाळीत तुमच्या जवळच्या सिनेमागृहात 'सूर्यवंशी' सिनेमा प्रदर्शित होणार आहे. या आणि आमच्या आनंदात सामील व्हा #Backtocinema"


'सूर्यवंशी' सिनेमात कतरिना कैफ मुख्य भूमिकेत दिसून येणार आहे. हा एक ड्रामा चित्रपट आहे. चित्रपटात तिन्ही कलाकार पोलीसाची भूमिका साकारणार आहेत. रोहित शेट्टीच्या या चित्रपटात भन्नाट स्टंट पाहायला मिळणार आहेत. हा चित्रपट मागील वर्षी मार्चमध्ये प्रदर्शित होणार होता. पण कोरोनामुळे सर्व बंद असल्याने हा चित्रपटदेखील प्रदर्शित झाला नव्हता. पण आता हा चित्रपट प्रदर्शित होणार आहे.


या आठवड्यात ओटीटीवर प्रदर्शित होणारे सिनेमे
येत्या आठवड्यात तापसी पन्नूचा 'रश्मि रॉकेट' झी 5 या ओटीटी प्लॅटफॉर्मवर तर 'सरदार उधम' हा सिनेमा अॅमेझॉन प्राईमवर प्रदर्शित होणार आहे.  'रश्मि रॉकेट' येत्या 15 ऑक्टोबरला तर 16 ऑक्टोबरला 'सरदार उधम' सिनेमा प्रदर्शित होणार आहे. 


जाणून घ्या "हे"  चित्रपट कधी होणार प्रदर्शित
जॉन अब्राहमचा सत्यमेव जयते 2 सिनेमा 26 नोव्हेंबरला प्रदर्शित होणार आहे. सुनील शेट्टीची मुलगी अहान शेट्टीचा चित्रपट 'तडप' 3 डिसेंबर 2021 ला प्रदर्शित होणार आहे. कार्तिक आर्यनचा 'भूल भुलैया 2' 19 नोव्हेंबरला प्रदर्शित होणार आहे. अजय देवगन, रकुलप्रीत आणि अमिताभ बच्चनचा'May Day' 29 एप्रिल 2022 ला सिनेमागृहात प्रदर्शित होणार आहे. शाहिद कपूर आणि मृणाल ठाकुरचा 'जर्सी' सिनेमा 31 डिसेंबर 2021 ला प्रदर्शित होणार आहे. रणवीर कपूर, वाणी कपूर आणि संजय दत्त 'शमशेरा' चित्रपटातून प्रेक्षकांच्या भेटीला येणार आहेत. हा सिनेमा 18 मार्च,2022 ला प्रदर्शित होणार आहे.