Sonam Kapoor: बॉलिवूडमधील प्रसिद्ध अभिनेत्री सोनम कपूर (Sonam Kapoor) ही सध्या चित्रपटसृष्टीपासून दूर आहे. सोनम आणि तिचा पती आनंद अहूजा यांना काही महिन्यांपूर्वी पूत्ररत्न प्राप्त झाले. त्यानंतर सोनमनं बॉलिवूडमधून ब्रेक घेतला. सध्या सोनम ही तिनं केलेल्या ट्वीटमुळे चर्चेत आहे. सोनमनं मुंबईमधील (Mumbai) ट्रॅफिकबाबत एक ट्वीट केलं. या ट्वीटनं अनेकांचे लक्ष वेधले. काही नेटकऱ्यांनी सोनमच्या या ट्वीटला रिप्लाय देऊन तिला ट्रोल केलं आहे.
सोनमचं ट्वीट
सोनमनं ट्वीटमध्ये लिहिलं, 'मुंबईमध्ये गाडी चालवणे त्रासदायक आहे. जुहूपासून बँडस्टँडला पोहोचायला मला एक तास लागला. सर्वत्र खूप बांधकाम आणि खोदकाम, प्रदूषण होते. हे काय चालू आहे?' तिच्या या ट्वीटला 19 हजारपेक्षा जास्त नेटकऱ्यांनी लाइक केलं आहे. तर अनेकांनी या ट्वीटला कमेंट्स केल्या आहेत.
नेटकऱ्यांच्या कमेंट्स
सोनमच्या ट्वीटला एका नेटकऱ्यानं कमेंट केली, 'दिल्लीचे लोक मुंबईमध्ये प्रदूषणाबाबत बोलत आहेत.' तर दुसऱ्या युझरनं कमेंट केली, 'पापा की परी हो उड के चली जाओ' अनेक नेटकऱ्यांनी सोनमच्या या ट्वीटला कमेंट करुन तिला ट्रोल केलं आहे.
2020 मध्ये सोनमचा 'एके वर्सेज एके' हा चित्रपट प्रेक्षकांच्या भेटीस आला होता. आता लवकरच ती ब्लाइंड या चित्रपटामधून प्रेक्षकांच्या भेटीस येणार आहे. या चित्रपटामध्ये सोनमसोबत अभिनेता पूरब कोहली आणि विनय पाठक हे देखील प्रमुख भूमिका साकारणार आहेत.सोनमच्या आयशा, सावरिया, विरे दी वेडिंग, रांझणा या चित्रपटांना प्रेक्षकांची विशेष पसंती मिळाली. सोनम सोशल मीडियावर देखील अॅक्टिव्ह असते. वेगवेगळे लूकमधील फोटो सोनम सोशल मीडियावर शेअर करते. सोनम तिच्या वक्तव्यांमुळे देखील चर्चेत असते.
वाचा इतर महत्वाच्या बातम्या:
Sonam Kapoor: सोनम कपूरनं विकला मुंबईतील आलिशान फ्लॅट, कोट्यवधींची झाली डील