मुंबई : बॉलिवूड अभिनेता सिद्धार्थ मल्होत्रा आज आपला 35वा वाढदिवस साजरा करत आहे. त्याच्या वाढदिवसाच्या निमित्ताने त्याचा आगामी चित्रपट 'शेरशाह'चं पोस्टर रिलीज करण्यात आलं आहे. आज या चित्रपटाचे तीन पोस्टर्स रिलीज करण्यात आले असून त्यामध्ये या चित्रपटात मुख्य भूमिकेत झळकणाऱ्या सिद्धार्थ मल्होत्रा दिसत आहे. तिनही पोस्टर्समध्ये सिद्धार्थ मल्होत्रा भारतीय सैन्यदलाच्या गणवेशात दिसत आहे.
सिद्धार्थ मल्होत्रा या चित्रपटात कॅप्टन विक्रम बत्रा यांची भूमिका साकरणाताना दिसणार आहे. दरम्यान, कॅप्टन विक्रम बत्रा यांनी 1999 मध्ये कारगिल युद्धा दरम्यान भारतीय क्षेत्राचं संरक्षण केलं होतं. त्यांनी दाखवलेल्या शौर्याबद्दल त्यांना भारताचा सर्वोच्च शौर्य पुरस्कार परमवीरचक्र हा मरणोत्तर प्रदान करण्यात आला होता. दरम्यान, कॅप्टन विक्रम बत्रा यांनी 1999मध्ये कारगिल युद्धादरम्यान दाखवलेल्या शौर्यामुळे त्यांना 'शेरशाह' असं म्हटलं जातं.
सिद्धार्थ मल्होत्राने सोशल मीडियावर हे पोस्टर रिलीज करताना एक खास संदेशही लिहिला आहे. त्यांने लिहिलं आहे की, 'मोठ्या पडद्यावर कॅप्टन विक्रम बत्रा यांची भूमिका साकारताना मला गर्व वाटत आहे. कॅप्टन विक्रम बत्रा यांना श्रद्धांजली देत त्यांच्या शौर्याची कथा 'शेरशाह' या चित्रपटातून प्रेक्षकांसाठी घेऊन येत आहोत. चित्रपट 3 जुलै 2020मध्ये रिलीज होणार आहे.'
दरम्यान, हा चित्रपटाची निर्मिती करण जोहरचं प्रोडक्शन हाऊस धर्मा प्रोडक्शन करणार आहे. या चित्रपटाचे दिग्दर्शन विष्णुवर्धन आहे आणि याची कथा संदीप श्रीवास्तव यांनी लिहिली आहे. चित्रपट यावर्षी 3 जुलै रोजी रिलीज होणार आहे. चित्रपटात सिद्धार्थसोबत कियारा अडवाणी मुख्य भूमिकेत दिसून येणार आहेत.
संबंधित बातम्या :
बॉक्स ऑफिसवरच नाही तर गुगलच्या ट्रेंडमध्येही 'तानाजी' 'छपाक'च्या वरचढ
'तान्हाजी' चित्रपट करमुक्त करा, देवेंद्र फडणवीस यांची मुख्यमंत्र्यांकडे मागणी