Santokh Singh Sukh:  चित्रपट आणि कार्यक्रमांमधून प्रेक्षकांच्या भेटीस येणारी अभिनेत्री शेहनाज गिलच्या (Shehnaaz Gill) वडिलांना नुकतीच एका अनोळखी व्यक्तीनं जीवे मारण्याची धमकी दिली आहे. त्या व्यक्तीनं शहनाजचे वडील संतोख सिंह सुख (Santokh Singh Sukh) यांना फोन करुन जीवे मारण्याची धमकी दिली आहे. याप्रकरणी संतोख सिंह सुख यांनी अमृतसर पोलिसांकडे तक्रार नोंदवी आहे. 


फोनवरुन दिली धमकी 


अमृतसरहून जालंधरला जात असताना संतोख सिंह सुख यांच्या फोनवर एका परदेशी क्रमांकावरून फोन आला. तो कॉल संतोख सिंह सुख यांनी रिसिव्ह केला. त्यानंतर फोनवर दिवाळीपूर्वी घरात घुसून जीवे मारण्याची धमकी दिली. फोन करणाऱ्याने संतोख सिंह सुख यांना जीवे मारण्याची धमकी देऊन शिवीगाळही केली होती. 


संतोख सिंह सुख यांच्यावर झाला होता हल्ला


25 डिसेंबर रोजी दोन अज्ञात हल्लेखोरांनी त्यांच्यावर हल्ला केला होता. दोन्ही आरोपींनी संतोखवर गोळीबार केला होता. पोलिसांनी दिलेल्या माहितीनुसार, हल्लेखोर हे अमृतसरचे रहिवासी होते. रिपोर्टनुसार, त्यांच्या कारवर चार गोळ्या झाडण्यात आल्या होत्या. 


शहनाजचे आगमी चित्रपट


संतोख यांनी 2021 मध्ये भाजपमध्ये प्रवेश केला. त्यांनी शहनाज बिग बॉसमध्ये असताना या शोमध्ये हजेरी लावली होती. शहनाज गिलला छोट्या पडद्यावरील 'बिग बॉस' या कार्यक्रमाच्या 13 व्या सिझनमुळे लोकप्रियता मिळाली. ती लवकरच बॉलिवूडमध्ये पदार्पण करणार आहे. ती सलमान खानच्या आगामी 'किसी का भाई किसी की जान' या चित्रपटातून प्रेक्षकांच्या भेटीस येणार आहे.  फरहाद सामजी दिग्दर्शित या चित्रपटात पूजा हेगडे देखील मुख्य भूमिकेत दिसणार आहे. 'हौसला रख' हा तिचा पंजाबी चित्रपट काही दिवसांपूर्वी प्रदर्शित झाला. या चित्रपटातील शहनाजच्या अभिनयाला प्रेक्षकांची पसंती मिळाली. शहनाजच्या आगामी चित्रपटाची तिचे चाहते उत्सुकतेने वाट बघत आहेत. शहनाजचा चाहता वर्ग मोठा आहे. तिच्या सोशल मीडियावर पोस्टला नेटकऱ्यांची पसंती मिळते. शहनाज सोशल मीडियावर अॅक्टिव असते. 


वाचा इतर महत्त्वाच्या बातम्या: