Sheezan Khan Mother Post: अभिनेत्री तुनिषा शर्माच्या (Tunisha Sharma) निधनानं मनोरंजनसृष्टीला धक्का बसला. तुनिषानं 24 डिसेंबरला 'अलिबाबा दास्तान ए काबुल' या मालिकेच्या सेटवर आत्महत्या केली. तुनिषाच्या आत्महत्येला अभिनेता शिझान खान (Sheezan Khan) जबाबदार आहे, असा आरोप शिझानवर करण्यात आला. पोलिसांनी शिझानला ताब्यात घेतलं आहे. सध्या त्याची चौकशी सुरू आहे. शिझनची बहीण फलक नाज (Falaq Naaz) हिला रुग्णलायात दाखल करण्यात आलं आहे. शिझानच्या आईनं नुकतीच सोशल मीडियावर एक पोस्ट शेअर केली आहे. या पोस्टमध्ये शिझानच्या आईनं फलक नाजचा रुग्णालयातील फोटो शेअर केला आहे.
Sheezan Khan Sister Falaq Naaz Hospitalised : शिझानच्या आईनं शेअर केला फलकचा फोटो
शिझानच्या आईनं फलक नाजचा रुग्णालयातील फोटो शेअर करुन त्याला 'सबर' असं कॅप्शन दिलं. या फोटोमध्ये फलक ही रुग्णालयातील बेडवर झोपलेली दिसत आहे तसेच तिला सलाईन देखील लावलेली दिसत आहे.
Sheezan Khan Sister Falaq Naaz Hospitalised : शिझानच्या आईची भावनिक पोस्ट
शिझान हा जवळपास एक महिना अटकेत आहे. तसेच आता फलकची तब्येत बिघडली आहे. शिझानच्या आईनं एक भावनिक पोस्ट शेअर करुन सध्या त्यांच्या भावना व्यक्त केल्या आहेत. या पोस्टमध्ये लिहिलं, 'मला समजत नाही की आमच्या कुटुंबाला का शिक्षा दिली जात आहे? माझा मुलगा शिजन गेल्या एक महिन्यापासून तुरुंगात शिक्षा भोगत आहे. माझी मुलगी फलक हिला रुग्णालयात दाखल करण्यात आलं आहे. शिजनचा लहान भाऊ देखील आजारी आहे. '
'एखाद्या आईने दुसऱ्या मुलावर आई म्हणून प्रेम करणे हा गुन्हा आहे का? किंवा हे बेकायदेशीर आहे का? फलकने तुनिषावर लहान बहिणीप्रमाणे प्रेम केलं, ते बेकायदेशीर आहे का? शिजान आणि तुनिषा यांनी त्यांच्या नात्यात स्पेस दिला किंवा ब्रेकअप केले, हे देखील बेकायदेशीर आहे? आम्ही मुस्लिम आहोत म्हणून आम्हाला त्या मुलीवर प्रेम करण्याचा अधिकार नव्हता का? आमचा गुन्हा काय आहे?' शिझानच्या आईच्या या पोस्टनं अनेकांचे लक्ष वेधले.
शिझानची बहिण फलक नाज ही देखील अभिनेत्री आहे. महाकाली - अंत ही आरंभ है, रूप, विष या अमृत, ससुराल सिमर का यांसारख्या मालिकांमध्ये काम केलं आहे. फलकनं काही दिवसांपूर्वी तुनिषाच्या बर्थ-डे निमित्त खास पोस्ट सोशल मीडियावर शेअर केली होती.
वाचा इतर महत्वाच्या बातम्या:
Tunisha Sharma: 'तुझी आठवण येते...'; तुनिषा शर्माच्या बर्थ-डेला शिझानच्या बहिणीनं शेअर केली पोस्ट