Shahrukh Khan India’s Richest Celebrity : बॉलिवूडचा किंग अर्थात शाहरुख खान (Shahrukh Khan) याचे भारतातच नाही तर जगभरात मोठा चाहतावर्ग आहे. शाहरुख खान बॉक्स ऑफिसवरील कमाईच्या बाबतीत नेहमीच वेगवेगळे विक्रम रचताना पाहायला मिळतो. आता मात्र, शाहरुखने एक वेगळाच विक्रम आपल्या नावे केला आहे. अभिनेता शाहरुख खाने याने देशातील श्रीमंताच्या यादीत प्रवेश केला आहे. शाहरुख खान याला पहिल्यांदाच देशातील श्रीमंतांच्या यादीत स्थान मिळालं आहे.
शाहरुख खान सर्वात श्रीमंत अभिनेता
बॉलिवूडचा 'बादशाह' शाहरुख खानने एक नवा विक्रम रचला आहे.शाहरुख खान भारतीय श्रीमंतांच्या यादीचा एक भाग बनला आहे, या यादीमध्ये सुमारे 150 कोटी भारतीयांपैकी केवळ 1539 लोकांना स्थान मिळाले आहे. यामध्ये स्थान मिळवण्यात शाहरुख खानला यश आलं आहे. हुरुन इंडिया रिच लिस्ट 2024 ची यादी जाहीर झाली आहे. यामध्ये शाहरुख खान सर्वात श्रीमंत अभिनेता ठरला आहे.
भारतातील श्रीमंत अभिनेत्यांमध्ये शाहरुखच 'किंग'
शाहरुख खानची एकूण संपत्ती किती?
अभिनेता शाहरुख खान कोट्यवधींच्या मालमत्तेसह सर्वात श्रीमंत सेलिब्रिटींच्या यादीत पहिल्या क्रमांकावर पोहोचला आहे. हुरुन इंडिया श्रीमंतांच्या यादीत शाहरुख खानच्या नावाचा समावेश झाला आहे. शाहरुख खानकडे एकूण 7300 कोटींची मालमत्ता आहे. शाहरुख खान चित्रपटांमधून कमाई करण्यासोबतच इतर व्यवसायांतूनही कमाई करतो. रेड चिलीज इंटरटेनमेंटमध्ये शाहरुख खानची भागीदारी आहे, त्यासोबत आयपीएलमधील कोलकाता नाईट रायडर्स संघाचा तो मालक आहे. यामुळे सर्वात श्रीमंत सेलिब्रिटींच्या यादीत तो पहिल्या क्रमांकावर पोहोचला आहे.
'ही' अभिनेत्री दुसऱ्या क्रमांकावर
हुरुन इंडिया श्रीमंताच्या यादीत शाहरुख खान पहिल्या क्रमांकावर आहे, तर जुही चावला दुसऱ्या क्रमांकावर आहे. अभिनेत्री जुही चावला हीची संपत्ती 4600 कोटी रुपये आहे. यानंतर तिसऱ्या क्रमांकावर ऋतिक रोशन आहे, त्याची नेटवर्थ 2000 कोटी रुपये आहे. यानंतर 1600 कोटींच्या संपत्तीसह अमिताभ बच्चन चौथ्या क्रमांकावर तर दिग्दर्शक करण जौहर पाचव्या क्रमांकावर आहे. करण जौहरची संपत्ती 1400 कोटी आहे.
महत्त्वाच्या इतर बातम्या :