Jawan Poster On Truck: अभिनेता शाहरुख खानचा (Shah Rukh Khan) 'जवान' (Jawan) चित्रपट 7 सप्टेंबर रोजी प्रेक्षकांच्या भेटीस आला. या चित्रपटाची प्रेक्षक आतुरतेने वाट पाहत होते. जवान चित्रपट रिलीज होऊन 20 दिवस झाले आहेत. तरी देखील या चित्रपटाची क्रेझ संपत नाहीये. नुकताच सोशल मीडियावर एक व्हिडीओ व्हायरल झाला आहे, या व्हिडीओमध्ये दिसत आहे की, एका ट्रकवर जवान चित्रपटामधील डायलॉग लिहिलेला आहे. या व्हायरल व्हिडीओवर शाहरुखनं प्रतिक्रिया दिली आहे.
ट्विटरवर एक व्हिडीओ व्हायरल होत आहे. ज्यामध्ये दिसत आहे की, जवान चित्रपटामधील डायलॉग एका ट्रकवर लिहिला आहे. तसेच त्या ट्रकवर जवान चित्रपटाचं पोस्टर देखील दिसत आहे. या व्हिडीओच्या कॅप्शनमध्ये लिहिलं आहे,"एक कल हमारे पीछे है, एक कल हमारे बाद , आज आज की बात करो, आज हमारे साथ." या व्हायरल व्हिडीओवर शाहरुखनं प्रतिक्रिया दिली आहे.
व्हायरल व्हिडीओला शाहरुखनं कमेंट केली, "हे छान दिसत आहे. आता या ट्रकशी पंगा घेण्यापूर्वी लोक दोनदा विचार करतील. हाहा"
'जवान'नं बॉक्स ऑफिसवर घातला धुमाकूळ
शाहरुखच्या जवान या चित्रपटानं बॉक्स ऑफिसवर धुमाकूळ घातला आहे. या चित्रपटानं जवळपास 571 कोटींची कमाई केली आहे. तसेच जगभरातही या चित्रपटाची क्रेझ आहे. 'जवान' चित्रपटाने जगभरात 1000 कोटींचा टप्पा पार केला आहे.
'जवान' ची स्टार कास्ट
शाहरुख खानचे अनेक लूक्स 'जवान' चित्रपटामध्ये प्रेक्षकांना पाहायला मिळाले आहेत. त्याच्यासोबत विजय सेतुपती, नयनतारा, प्रियामणी, सान्या मल्होत्रा, रिद्धी डोगरा, गिरिजा ओक आणि लहर खान यांनी देखील या चित्रपटामध्ये प्रमुख भूमिका साकारली. दीपिका पादुकोणनं जवान या चित्रपटामध्ये कॅमिओ केला आहे. हा चित्रपट हिंदी, तमिळ आणि तेलगू भाषेत चित्रपटगृहांमध्ये प्रदर्शित झाला.
शाहरुखचा आगामी चित्रपट
आता जवान या चित्रपटानंतर शाहरुखच्या डंकी या चित्रपटाची प्रेक्षक उत्सुकतेने वाट बघत आहेत. डंकी या चित्रपटामध्ये शाहरुखसोबत आणखी कोणते कलाकार काम करणार आहेत? हे जाणून घेण्यास प्रेक्षक उत्सुक आहेत.
इतर महत्वाच्या बातम्या: