Ask SRK Session: बॉलिवूडचा बादशाह शाहरुख खान (Shah Rukh Khan) हा सध्या त्याच्या 'डंकी' (Dunki) या आगामी चित्रपटामुळे चर्चेत आहे. डंकी चित्रपटातील 'निकले थे कभी हम घर से' हे नवीन गाणे रिलीज झाले आहे. या गाण्याला नेटकऱ्यांची पसंती देखील मिळत आहे. नुकतेच शाहरुखनं ट्विटरवर आस्क एसआरके हे सेशन केलं. या सेशनमध्ये अनेक नेटकऱ्यांनी शाहरुखला डंकी या चित्रपटाबद्दल काही प्रश्न विचारले. या प्रश्नांची शाहरुखनं उत्तर देखील दिली.
नेटकऱ्याच्या अतरंगी प्रश्नाला शाहरुखचं खास उत्तर
एसआरके या सेशनमध्ये शाहरुखला एका नेटकऱ्यानं प्रश्न विचारला, "शाहरुख, लव्ह मी बॅक, नाही तर मी माझ्या 4 बायकांना, 24 मुलांना आणि 50 शेजाऱ्यांना डंकी बघू देणार नाही! तू एवढं नुकसान झेलू शकणार नाहीस" नेटकऱ्याच्या या अतरंगी प्रश्नाला शाहरुखनं उत्तर दिलं, "भावा तू तसंही एवढा बिझी असशील, अजून काम करायला वेळ कसा काढणार? प्लिज तू मुलांसोबत आणि पत्नींसोबत वेळ घालव. मुलांसोबत खेळ आणि बायकांना चित्रपटासाठी घेऊन जा."
"मी 8 वर्षांपासून कॅनडात राहतोय. निकले थे कभी हम घर से हे गाणं ऐकल्यानंतर आता इथे राहावंसं वाटत नाहीये. मी भारतात येत आहे." असं ट्वीट एका नेटकऱ्यानं केलं. या ट्वीटला शाहरुखनं रिप्लाय दिला, "अरे यार….मला सुद्धा वाटते की भारत बेस्ट आहे पण सर्व निर्णय काळजीपूर्वक घे. कधी-कधी बाहेर काम करून स्वत:चे आयुष्य घडवावं लागतं."
"सर, तुमच्या घराबद्दल थोडं सांगा" असं ट्वीट एका युझरनं केलं. या ट्वीटला शाहरुखनं रिप्लाय दिला, "माझे हृदय जेथे आहे तेथेच माझे घर आहे"
डंकी कधी रिलीज होणार?
डंकी हा चित्रपट 22 डिसेंबरला चित्रपटगृहात प्रदर्शित होणार आहे. डिंकी आणि प्रभासच्या सालार या चित्रपटांची बॉक्स ऑफिसवर टक्कर होणार आहे. डंकी या चित्रपटात विकी कौशल, तापसी पन्नू, बोमन ईरानी यांनी प्रमुख भूमिका साकारली आहे.
संंबंधित बातम्या: