Karachi To Noida Teaser: पाकिस्तानची सीमा हैदर (Seema Haider) आणि भारतामधील सचिन (Sachin Meena) या जोडप्याच्या प्रेमकथेवर आधारित असणाऱ्या ‘कराची टू नोएडा’ या चित्रपटाचा टीझर रिलीज करण्यात आला आहे. या टीझरची चर्चा सध्या सोशल मीडियावर होत आहे. चित्रपटाचे निर्माते अमित जानी (Amit Jani) यांनी ‘कराची टू नोएडा’ या चित्रपटाचा टीझर सोशल मीडियावर शेअर केला आहे.
अमित जानी यांनी ‘कराची टू नोएडा’ या चित्रपटाचा टीझर सोशल मीडियावर शेअर करुन कॅप्शनमध्ये लिहिलं, "कराची टू नोएडा या बहुप्रतिक्षित अॅक्शन आणि थ्रिलर चित्रपटाचा अधिकृत टीझर सादर करत आहोत. चित्रपट 2024 ला रिलीज होणार आहे."
‘कराची टू नोएडा’ चित्रपटाची स्टार कास्ट
अमित जानी यांनी सोशल मीडियावर चित्रपटाचा टीझर शेअर करुन या चित्रपटाच्या स्टार कास्टची देखील माहिती दिली आहे. या चित्रपटात दीप राज राणा, एहसान खान, रोहित चौधरी, मनोज बक्षी, फरहीन फलक आणि आदित्य राघव या कलाकारांनी प्रमुख भूमिका साकारली आहे. जयंत सिन्हा यांनी या चित्रपटाचं दिग्दर्शन केलं आहे. तर अमित जानी आणि भरत सिंह यांनी या चित्रपटाची निर्मिती केली आहे. अमित जानी या चित्रपटाची कथा आणि संवाद लिहिले आहेत. अभिनेत्री फरहीन फलक ही ‘कराची टू नोएडा’ या चित्रपटात सीमा हैदरची भूमिका साकारणार आहे.
टीझरमधील डायलॉग्सनं वेधलं लक्ष
काही दिवसांपूर्वी मिथिलेश भाटी यांचा 'लप्पू सा सचिन, झिंगूर सा लडका' हा डायलॉग सोशल मीडियावर व्हायरल झाला होता. आता ‘कराची टू नोएडा’ या चित्रपटाच्या टीझरमधील "मेरे पति को लप्पू कहने से पहले अपने बुड्ढे को भी देखले. वो, कौनसा सनी देओल है?" या डायलॉगनं अनेकांचे लक्ष वेधले आहे. तसेच ‘कराची टू नोएडा’ या चित्रपटाच्या टीझरमधील इतर डायलॉग्सची देखील सोशल मीडियावर चर्चा होत आहे.
पाहा टीझर:
सीमा हैदर आणि सचिनची लव्ह स्टोरी
सीमा आणि सचिन यांची लव्ह स्टोरी फिल्मी आहे. त्यांच्या लव्ह स्टोरीची चर्चा गेल्या काही दिवसांपासून देशातच नाही तर परदेशात देखील होत आहे. सीमा आणि सचिन यांची ओळख PUBG या गेमिंग अॅपच्या माध्यमातून झाली. सुरुवातीला त्यांची मैत्री झाली आणि नंतर मैत्रीचं रूपांतर प्रेमात झालं. सचिनच्या प्रेमासाठी सीमा पाकिस्तान सोडून भारतात आली.
वाचा इतर महत्वाच्या बातम्या: