Sapna Choudhary Welcomes Second Child : बिग बॉस 11 फेम प्रसिद्ध डान्सर आणि अभिनेत्री सपना चौधरीने गूड न्यूज दिली आहे. हरियाणी स्टार अभिनेत्री सपना चौधरीने गोंडस बाळाला जन्म दिला आहे. अलिकडे या बाळाचा जंगी नामकरण सोहळा पार पडला. या सोहळ्याला हरियाणी इंडस्ट्रीमधील दिग्गज स्टार्सने हजेरी लावली होती. डान्सर सपना चौधरी 'तेरी आखाँ का जो काजल' (Teri Aakhan Ka Joh Kajal) या गाण्यामुळे चर्चेत आली होती. आता सपना चौधरीने गुपचूप दुसऱ्या बाळाचं स्वागत केलं आहे. गेले अनेक महिने सपना लाईमलाईटपासून दूर होती. आता डिलिव्हरीनंतर यामागचं कारण समोर आलं आहे.
अभिनेत्री सपना चौधरी दुसऱ्यांदा बनली आई!
अभिनेत्री सपना चौधरीला दुसऱ्यांदा पुत्ररत्न झालं आहे. याआधीही सपनाला एक मुलगा आहे. आता दुसऱ्या मुलाच्या आगमनानंतर सपना आणि पतीसह कुटुंब खूप खूश असल्याचं दिसत आहे. सपना आणि पती वीर साहू यांनी दुसऱ्या मुलाचा नामकरण सोहळा खूप धूमधडाक्यात आयोजित केला होता. या बाळाच्या नामकरण सोहळ्याला हजारोंची गर्दी पाहायला मिळाले. हरियाणवी आणि पंजाबी इंडस्ट्रीमधील अनेक दिग्गज स्टार्ससह चाहत्यांनीही या कार्यक्रमाला मोठी हजेरी लावली होती.
गुपचूप दिला गोंडस बाळाला जन्म
सपना चौधरी दुसऱ्यांदा आई बनली आहे. 11 नोव्हेंबरला सपना चौधरीच्या दुसऱ्या मुलाचा नामकरण सोहळा पार पडला. या सोहळ्यामध्ये सपना पती वीर साहूसोबत फार आनंदी दिसत होती. यावेळी सपनाचं वजन वाढल्याचंही दिसत आहे. दुसऱ्यांदा आई होण्याचा आनंद सपनाच्या चेहऱ्यावर स्पष्ट दिसत आहे. यावेळी सपना तिच्या पहिल्या मुलासोबत दिसली. सपनाचा मोठा मुलगा पोरस याचा चेहरा या निमित्ताने समोर आला आहे. सपनाने तिच्या पहिल्या मुलाचा चेहरा दाखवला नव्हता, तो आता रिव्हिल झाला आहे.
नामकरण सोहळ्यात पहिल्या मुलाचा क्यूट चेहरा समोर
सपना चौधरीच्या दुसऱ्या मुलाचं नामकरण पार पडलं आहे. सपना चौधरीच्या दुसऱ्या मुलाचं नाव शाह वीर असं ठेवण्यात आलं आहे. आता सपना चौधरी आणि वीर साहू दोन मुलांचे पालक बनले आहेत. मुलाच्या जन्मानंतर सपना आणि कुटुंबियांवर चाहत्यांकडून शुभेच्छांचा वर्षाव होत आहे.
दुसऱ्या मुलाच्या नामकरण सोहळ्यात सपना आणि वीर साहूचा पहिला मुलगा पोरसचा क्यूट चेहरा समोर आला आहे. आपल्या लहान भावाच्या नामकरण सोहळ्यात पोरस आई सपना चौधरीच्या बाजूला बसलेला पाहायला मिळाला.
(या फोटोमध्ये पिवळी शेरवानी परिधान केलेला चिमुकला सपना चौधरीचा मोठा मुलगा पोरस आहे.)
महत्त्वाच्या इतर बातम्या :