सलमान खान आणि ऐश्वर्या यांच्यातील वाद सर्वश्रुत आहे. ब्रेकअपनंतर दोघांनी एकत्र चित्रपट करणंच काय, एकमेकांसमोर येणंही टाळलं आहे. त्यामुळे इतक्या वर्षांनंतर सर्व वाद मिटवून सलमान-ऐश्वर्या एकत्र येण्याची सुतराम शक्यता नाही. मात्र भन्साळींनी ऐश्वर्याची समजूत काढण्याचे प्रयत्न सुरु केले आहेत.
कतरिना कैफ ही सलमानची लाडकी अभिनेत्री. एक था टायगर, टायगर जिंदा है यासारख्या चित्रपटांच्या यशानंतर कतरिनासोबत पुन्हा जोडी जुळवण्यासाठी सलमान उत्सुक आहे. तर बाजीराव मस्तानी, पद्मावतनंतर भन्साळींच्या मनात दीपिकाचं नावही घोळत होतं.
सुरुवातीला, अनुष्का शर्माचं नाव चर्चेत होतं. अगदी आलिया भट आणि जान्हवी कपूर यांचीही नावं स्पर्धेत होती. मात्र दोघीही सलमानच्या मुलीच्या वयाच्या असल्यामुळे त्यांची जोडी हिट होणार नाही, असा भन्साळींचा अंदाज आहे.
सलमानच्या 'दबंग 3'चं शूटिंग संपल्यावर म्हणजेच सप्टेंबरनंतर या चित्रपटाचं शूटिंग सुरु होणार असल्याची माहिती आहे. सिनेमाची निर्मिती सलमान आणि भन्साळी संयुक्तपणे करणार आहेत.