Salman Khan Viral Video : गुजरातमधील जामनगरमध्ये पुन्हा एकदा कलाकारांची मांदियाळी दिसून येत आहे. प्री-वेडिंगनंतर आता रिलायन्सचे सर्वेसर्वा मुकेश अंबानी (Mukesh Ambani) यांचे चिरंजीव आणि उद्योगपती अनंत अंबानींच्या बर्थ डे पार्टीत (Anant Ambani Birthday Party) बॉलिवूड कलाकारांनी हजेरी लावली. अनंत अंबानींच्या वाढदिवसाच्या एक दिवस आधीपासून सेलेब्सने हजेरी लावली आहे. या प्री बर्थ डे पार्टीतला सलमान खानचा (Salman Khan) व्हिडीओ व्हायरल होऊ लागला आहे.
अनंतर अंबानी यांचा बुधवारी 10 फेब्रुवारी रोजी वाढदिवस आहे . जामनगर येथे अनंत अंबानी वाढदिवस सेलिब्रेट करणार आहेत. अनंत अंबानी यांच्या प्री-बर्थ डे नाईटसाठी सेलिब्रिटींनी हजेरी लावली. या प्री-बर्थ डे सेलिब्रेशनमधील काही व्हिडीओ व्हायरल होऊ लागले आहेत. यामधील एका व्हिडीओत सलमान खान बी प्राक सोबत गात असल्याचे दिसत आहे.
चाहत्यांनी म्हटले, आम्ही भाईच्यावतीने माफी मागतो
सलमान खानच्या या व्हिडीओवर लोकांच्या मजेशीर कमेंट्स येत आहेत. एकाने म्हटले की, सलमान खान गाणं गातोय आणि मला लाज वाटतेय. एका युजरने तर सलमान खानच्यावतीने मी सगळ्यांची माफी मागतो. एकाने म्हटले की, चांगला प्रयत्न केला पण हा असा प्रयत्न पुन्हा करू नका. तर, काही चाहत्यांनी सलमानच्या फिटनेसबद्दल चिंता व्यक्त केली.
बी प्राकने शेअर केला अनंत आणि सलमानसोबतचा व्हिडीओ
बी प्राकनेदेखील काही व्हिडीओ आणि फोटो शेअर केले आहेत. यामध्ये अनंतच्या बर्थ डे पार्टीत परफॉर्मन्स करून आनंद वाटत असल्याचे म्हटले.