Sikandar: बॉलिवूडचा भाईजान सलमान खानचा आगामी सिकंदर चित्रपट पाहण्यासाठी चाहते उत्सुक आहेत. आता या सिनेमाबद्दल काही महत्वाचे अपडेट्स आले आहेत.ज्यानं चाहत्यांची उत्सुकता आणखी ताणली आहे. सुपरस्टार सलमान खानचा सिकंदर चित्रपट लवकरच प्रेक्षकांच्या भेटीला येणार आहे. या सिनेमाचं साधारण ५० टक्के शुटिंग झाल्याचं सांगण्यात येत आहे. मीडिया रिपोर्टनुसार, उर्वरित शुटिंग आता जानेवारीत संपणार आहे. नव्या वर्षात चाहत्यांना या सिनेमात होळीसाठी एक ढांसू गाणं मिळणार असल्याचं सांगण्यात येतंय.
सिकंदरमध्ये एक नाही दोन चार्टबस्टर गाणी
मीडिया रिपोर्टनुसार, सिकंदरचे निर्माता साजिद नाडियावाला आणि दिग्दर्श एआर मुरुगादास यांनी प्रीतमला या चित्रपटातील गाण्यांसाठी फायनल केल्याचं सांगण्यात येतंय. हा चित्रपट ईद आणि होळीवर आधारित दोन तुफान हीट गाणी देईल यात शंका नाही. यात सलमान आणि रश्मिका मंदाना डान्सवर थिरकताना दिसणार आहेत. ईदच्या गाण्यात कव्वालीची झलक पहायला मिळणार आहे. तर होळीचे गाणेही अप्रतिम असेल ज्यामध्ये रोमान्स आणि होळीची धमाल दाखवण्यात येणार आहे. ही दोन्ही गाणी प्रीतम संगीतबद्ध करणार असल्याचं सांगण्यात येतंय.
सलमानचा सिकंदर ईदला होणार रिलिज
सलमान खानचा सिकंदर हा चित्रपट 2025 मध्ये ईदच्या मुहूर्तावर प्रदर्शित होणार आहे. या चित्रपटात सलमान खान एका वेगळ्या अंदाजात दिसणार आहे. रश्मिका मंदान्ना, सत्यराज, शर्मन जोशी, काजल अग्रवाल यांसारखे कलाकार या चित्रपटात त्यांच्यासोबत स्क्रीन शेअर करणार आहेत. सिकंदरची शूटिंग पूर्ण झाल्यानंतर सलमान खान त्याच्या पुढच्या प्रोजेक्टसाठी ॲटलीसोबत काम करणार आहे. सध्या या प्रोजेक्टचं स्क्रिप्टिंग सुरू आहे. सिकंदरच्या बहुप्रतिक्षित रिलीजसह, चाहत्यांना आणखी धमाकेदार घोषणांची उत्सुकता आहे!