Salman Khan : बॉलिवूडचा दबंग सलमान खान चाहत्यांमध्ये सर्वाधिक पसंतीचा अभिनेता आहे. त्यामुळे त्याची लोकप्रियता कोटींच्या घरात आहे. सलमान स्वत: सोशल मीडियावर काही पोस्ट करत नाही. परंतु, त्याच्याशी संबंधित फोटो, जुने किस्से आणि व्हिडीओ सोशल मीडियावर व्हायरल होत असाता. सध्याही त्याचा एक जुना व्हिडीओ मोठ्या प्रमाणात व्हायरल होत आहे.
सलमान खानला बॉलिवूडचा दबंग, सुलतान अशा वेगवेगळ्या नावांनी संबोधले जाते. परंतु, एक वेळ अशी होती की, तो इतर धडपडणाऱ्या अभिनेत्याप्रमाणे स्क्रीन टेस्ट द्यायला आला होता. त्या स्क्रीन टेस्टचा व्हिडीओ सध्या खूप व्हायरल होत आहे. व्हिडीओमध्ये सलमान खानच्या हातात गिटार दिसत असून त्याने निळ्या रंगाचा टी-शर्ट घातला होता.
व्हिडीओमध्ये सलमान खान स्पीकिंग अॅक्शनसोबत स्क्रीन टेस्ट देताना दिसत आहे. तो पुन्हा-पुन्हा कॅमेऱ्याकडे बघून त्याचे संवाद बोलत आहे. शिवाय सलमान खान खूपच तरुण दिसत असून त्याच्या चेहऱ्यावर निरागसपणा दिसत आहे. सलमानला असे पाहून चाहत्यांना जुने दिवस आठवल्याचे सोशल मीडियावर ते सांगतात.
सलमान खानने 'बीवी हो तो ऐसी' या चित्रपटाद्वारे बॉलिवूडमध्ये पदार्पण केले आहे. त्यात त्याने सहाय्यक अभिनेत्याची भूमिका साकारली होती. त्यानंतर तो मैंने प्यार किया या चित्रपटात मुख्य भूमिकेत दिसला. याच चित्रपटातील अभिनयासीठी त्याला सर्वोत्कृष्ट अभिनेत्याचा फिल्मफेअर पुरस्कारही मिळाला आहे. 1989 मध्ये रिलीज झालेल्या या चित्रपटाने सलमान खानला प्रसिद्धी मिळवून दिली आहे. या चित्रपटातील प्रेमची भूमिका चाहत्यांना खूप आवडली आहे.
महत्वाच्या बातम्या