Sita Ramam : दाक्षिणात्य चित्रपटसृष्टीतील प्रसिद्ध अभिनेता दुलकर सलमान (Dulquer Salmaan), पुष्पा फेम अभिनेत्री रश्मिका मंदना (Rashmika Mandanna) आणि बॉलिवूडमधील प्रसिद्ध अभिनेत्री मृणाल ठाकुर (Mrunal Thakur) यांच्या 'सीता रामम' (Sita Ramam) या चित्रपटाचा ट्रेलर रिलीज झाला आहे. या चित्रपटाचे कथानक सीता आणि राम या भूमिकांच्या आयुष्यावर आधारित आहे. या चित्रपटामध्ये  60 ते 70 दशकातील लव्ह स्टोरी प्रेक्षकांना बघायला मिळणार आहे. 


सीता रामम या चित्रपटामध्ये मृणालनं सीता आणि दुलकरनं राम ही भूमिका साकारली आहे. तर रश्मिका मंदनानं आफरीन ही भूमिका साकारली आहे. चित्रपटाच्या ट्रेलरमधील मृणाल आणि दुलकर सलमान यांच्या  केमिस्ट्रीनं अनेकांचे लक्ष वेधले आहे. रश्मिकाला पुष्पा या चित्रपटामुळे विशेष लोकप्रियता मिळाली. आता तिच्या या आगामी चित्रपटाची वाट प्रेक्षक उत्सुकतेने बघत आहेत.
 
'सीता रामम' ची कहाणी
'सीता रामम' या चित्रपटामध्ये रश्मिका ही सीताला शोधताना दिसत आहे. चित्रपटाच्या ट्रेलरची सुरुवात आफरीनपासून होते. तिला सीता महालक्ष्मी पर्यंत लेटर पोहचवण्याचं काम मिळतं. हे लेटर रामनं 20 वर्षापूर्वी लिहिलेलं असतं.  


पाहा ट्रेलर: 



'सीता रामम' च्या ट्रेलरला प्रेक्षकांची पसंती मिळत आहे. सोशल मीडियावर पोस्ट शेअर करुन अनेक नेटकरी या ट्रेलरचं कौतुक करत आहे. सीता रामम हा चित्रपट 5 ऑगस्ट रोजी तेलुगू, तमिळ आणि मल्याळम या भाषांमध्ये चित्रपटगृहांमध्ये प्रदर्शित होणार आहे. हनु राघवपुडी हे या चित्रपटाचे फिल्ममेकर आहेत.


ट्रेलरमधील रश्मिकाच्या अभिनयाला प्रेक्षकांची विशेष पसंती मिळत आहे. रश्मिका मंदना सध्या तिच्या बॉलिवूड एन्ट्रीची जोरदार तयारी करत आहे. लवकरच ती 'मिशन मजनू या चित्रपटातून हिंदी चित्रपटसृष्टीत पाऊल ठेवणार आहे.  


हेही वाचा: