Goodbye Release Date : अमिताभ बच्चन (Amitabh Bachchan) आणि रश्मिका मंदान्ना (Rashmika Mandanna) सध्या 'गुडबाय' (Goodbye) या सिनेमामुळे चर्चेत आहेत. त्यांचा 'गुडबाय' हा सिनेमा 7 ऑक्टोबर 2022 रोजी जगभरात प्रदर्शित होणार आहे.
अमिताभ बच्चन आणि रश्मिका मंदान्नासह 'गुडबाय' सिनेमात नीना गुप्ता, पावेल गुलाटी, एली अविराम, सुनील ग्रोवर आणि साहिल मेहता महत्त्वाच्या भूमिकेत आहेत. विकास बहलने या सिनेमाच्या दिग्दर्शनाची धुरा सांभाळली आहे. सिनेमाची रिलीज डेट जाहीर करत निर्मात्यांनी या सिनेमाचे एक पोस्टरदेखील शेअर केलं आहे.
'गुडबाय' सिनेमाच्या नव्या पोस्टरमध्ये सिनेमातील संपूर्ण कास्ट दिसत आहे. या पोस्टमध्ये सुपरस्टार अमिताभ बच्चन सोफ्यावर बसलेले दिसत आहेत. रश्मिका त्यांना पॉपकॉर्न देताना दिसत आहे. नीना गुप्ता सोफ्याखाली बसलेली आहे. या सिनेमाची प्रेक्षकांना उत्सुकता आहे.
'गुडबाय'च्या माध्यमातून रश्मिका करणार बॉलिवूडमध्ये पदार्पण
रश्मिका मंदान्ना ही दाक्षिणात्य सिनेसृष्टीतील लोकप्रिय अभिनेत्री आहे. 'गुडबाय' या सिनेमाच्या माध्यमातून रश्मिका बॉलिवूडमध्ये पदार्पण करणार आहे. हा सिनेमा आयुष्य आणि नात्यांवर आधारित आहे. या सिनेमाचे पोस्टर प्रेक्षकांच्या पसंतीस उतरत आहे. त्यामुळे प्रेक्षक आता सिनेमाची प्रतीक्षा करत आहेत.
संबंधित बातम्या