Mrs Chatterjee Vs Norway Box Office Collection Day 1 : बॉलिवूड अभिनेत्री राणी मुखर्जीची (Rani Mukerji) मुख्य भूमिका असलेला 'मिसेस चॅटर्जी वर्सेस नॉर्वे' (Mrs Chatterjee Vs Norway) हा सिनेमा आता प्रेक्षकांच्या भेटीला आला आहे. पण रिलीजच्या पहिल्या दिवशी हा सिनेमा बॉक्स ऑफिसवर आपली जादू दाखवण्यात कमी पडला आहे. 


'मिसेस चॅटर्जी वर्सेस नॉर्वे' हा सिनेमा सत्य घटनेवर आधारित आहे. या सिनेमातील राणी मुखर्जीच्या कामाचं प्रेक्षकांकडून कौतुक होत आहे. या सिनेमात राणीने सागरिका चक्रवर्तीची भूमिका साकारली आहे. आपल्या मुलांचा ताबा मिळवण्यासाठी कायदेशीर लढाई लढणारी सागरिका आहे. सिनेमाची कथा आणि राणीच्या अभिनयाचं प्रचंड कौतुक होत आहे. 


'मिसेस चॅटर्जी वर्सेस नॉर्वे'च्या कमाईबद्दल जाणून घ्या... (Mrs Chatterjee VS Norway Box Office Collection)


'मिसेस चॅटर्जी वर्सेस नॉर्वे' हा सिनेमा रिलीजच्या पहिल्या दिवशी बॉक्स ऑफिसवर जोरदार आपटला आहे. रिलीजच्या पहिल्या दिवशा हा सिनेमा 535 स्क्रीवर दाखवण्यात आला असून या सिनेमाने 1.27 कोटींची कमाई केली आहे. आता वीकेंडला हा सिनेमा आणखी कमाई करेल, अशी शक्यता वर्तवली जात आहे. 






तगडी स्टारकास्ट असलेला 'मिसेस चॅटर्जी वर्सेस नॉर्वे' (Mrs Chatterjee VS Norway Star Cast)


आशिमा छिब्बरने 'मिसेस चॅटर्जी वर्सेस नॉर्वे' या सिनेमाच्या दिग्दर्शनाची धुरा सांभाळली आहे. राणी मुखर्जीसह नीना गुप्ता आणि जिम सरभदेखील या सिनेमात महत्त्वाच्या भूमिकेत आहेत. तर अनिर्बान भट्टाचार्यने या सिनेमात राणीच्या पतीची भूमिका साकारली आहे. 


'मिसेस चॅटर्जी वर्सेस नॉर्वे' या सिनेमाचं कथानक काय? (Mrs Chatterjee VS Norway Story)


'मिसेस चॅटर्जी वर्सेस नॉर्वे'ची कथा एका भारतीय जोडप्याची आहे, जे नॉर्वेला गेले. तिथेच ते आपल्या मुलांचे पालन पोषण करत होते. नॉर्वेमध्ये राहणाऱ्या भारतीय जोडप्याच्या मुलांना चाईल्ड वेलफेअरमधील लोक आपल्यासोबत घेऊन जातात. त्यानंतर आपल्या मुलांना परत मिळवण्यासाठी सागरिका भट्टाचार्य कशी लढते हे या सिनेमात दाखवण्यात आलं आहे. 


संबंधित बातम्या


Mrs Chatterjee Vs Norway Review : फर्स्ट हाफ बोरिंग पण सेकेंड हाफ जबरदस्त; राणी मुखर्जीचा दमदार अभिनय असलेला 'मिसेस चॅटर्जी वर्सेस नॉर्वे' कसा आहे? जाणून घ्या