Ranbir Kapoor And Alia Bhatt Video Viral : बॉलिवूड अभिनेता रणबीर कपूरचा (Ranbir Kapoor) एक व्हिडीओ सध्या सोशल मीडियावर व्हायरल होत आहे. या व्हिडीओमध्ये आलियाने दारात चप्पल काढलेली दिसत आहे. तिने दारात चप्पल काढल्यामुळे रणबीर तिची चप्पल उचलतो आणि आतल्याबाजूला ठेवतो. या व्हिडीओमुळे अनेकांनी रणबीरला ट्रोल केलं आहे. तर काही मंडळींनी मात्र अभिनेत्याचं कौतुक केलं आहे.
आलिया भट्ट आणि रणबीर कपूर आदित्य चोप्राला भेटायला गेले होते. दरम्यान आलियाने दारात चप्पल काढल्यामुळे रणबीरने तिची चप्पल उचलली आणि आतल्याबाजूला ठेवली आहे. त्यामुळे एकीकडे चाहते रणबीर कपूरचं कौतुक करत आहेत. तर दुसरीकडे त्याला ट्रोल करताना दिसत आहेत.
नेटकऱ्यांच्या मजेशीर कमेंट्स
आलिया भट्ट आणि रणबीर कपूरच्या या व्हायरल व्हिडीओवर ‘चप्पल चोरीला गेली तर, पतीचं नुकसान होईल… तो स्मार्ट आहे…’, ‘चप्पल चोरीला गेली तर…’ अशा कमेंट्स नेटकऱ्यांनी केल्या आहे. आलिया आणि रणबीर नेहमीच कोणत्या ना कोणत्या कारणाने चर्चेत असतात.
आलिया-रणबीरचे आगामी प्रोजेक्ट जाणून घ्या... (Alia Bhatt Ranbir Kapoor Upcoming Project)
रणबीर कपूरचा 'तू झूठी मैं मक्कार' हा सिनेमा गेल्या काही दिवसांपूर्वी प्रेक्षकांच्या भेटीला आला होता. या सिनेमात तो बॉलिवूड अभिनेत्री श्रद्धा कपूरसोबत स्क्रीन शेअर करताना दिसला होता. बॉक्स ऑफिसवरदेखील या सिनेमाने चांगलीच कमाई केली होती. आता त्याचा 'अॅनिमल' (Animal) हा सिनेमा प्रेक्षकांच्या भेटीसाठी सज्ज आहे. या सिनेमात तो रश्मिका मंदान्नासोबत झळकणार आहे.
दुसरीकडे आलिया भट्टचा 'ब्रह्मास्त्र' हा सिनेमा गेल्या काही दिवसांपूर्वी प्रेक्षकांच्या भेटीला आला होता. आता तिचा 'रॉकी और रानी की प्रेम कहानी' हा सिनेमा लवकरच प्रेक्षकांच्या भेटीला येणार आहे. तसेच 'हार्ट ऑफ स्टोन' हा तिचा बहुचर्चित सिनेमादेखील यावर्षातच प्रदर्शित होणार आहे.
संबंधित बातम्या