Ranbir Kapoor Crys Holing His Baby : बॉलिवूड अभिनेत्री आलिया भट्ट (Alia Bhatt) आणि रणबीर कपूरच्या (Ranbir Kapoor) घरी छोट्या पाहुणीचं आगमन झालं आहे. आलिया-रणबीरला कन्यारत्न झाल्याने त्यांच्यावर शुभेच्छांचा वर्षाव होत आहे. लेकीच्या जन्मानंतर रणबीरचा आनंद तर गगनात मावेनासा झाला आहे. रणणबीरने पहिल्यांदा लेकीला हातात घेतल्यानंतर तो भावूक झाला होता.
आपल्याला मुलगीच हवी असल्याचं रणबीर अनेक मुलाखतीमध्ये म्हणाला आहे. आता त्यांना कन्यारत्न झाल्याने त्याची ही इच्छादेखील पूर्ण झाली आहे. रणणबीरने पहिल्यांदा लेकीला हातात घेतलं तेव्हा तो भावूक झाला होता. लेकीला पाहता क्षणी रणबीरला अश्रू अनावर झाले होते. रणबीरला पाहून उपस्थित कुटुंबियांच्या डोळ्यांमध्येही पाणी आलं.
आलिया रणबीरची लव्हस्टोरी
आलिया आणि रणबीरनं 14 एप्रिल 2022 रोजी लग्नगाठ बांधली. आलिया आणि रणबीरनं लग्नाआधी एकमेकांना पाच वर्ष डेट केले. ‘ब्रह्मास्त्र’ च्या सेटवर आलिया आणि रणबीरची पहिली भेट झाली. आलियानं काही महिन्यांपूर्वी रुग्णालयातील एक फोटो सोशल मीडियावर शेअर केला होता. या फोटोमध्ये आलिया आणि रणबीर दिसत होते. हा फोटो शेअर करन आलियानं त्याला, 'आमचं बाळ लवकरच येत आहे', असं कॅप्शन दिलं होतं.
आलिया घेणार ब्रेक
बाळाच्या जन्मानंतर आलिया भट्ट आता एका वर्षाचा ब्रेक घेणार आहे. आलिया भट्टने मॅटरनिटी लीव्हवर जाण्याचा निर्णय घेतला आहे. बाळासोबत जास्तीत जास्त वेळ घालवता यावा यासाठी आलियाने हा निर्णय घेतला आहे. ब्रेकवर जाण्यासाठी आलियाने आगामी सिनेमाचं शूटिंग पूर्ण केलं आहे.
आलियाचे आगामी सिनेमे -
काही दिवसांपूर्वी आलिया आणि रणबीरचा ब्रह्मास्त्र हा चित्रपट प्रेक्षकांच्या भेटीस आला होता. या चित्रपटातील आलिया आणि रणबीरच्या केमिस्ट्रीला प्रेक्षकांची पसंती मिळाली. आता आलिया आणि रणवीर सिंहचा 'रॉकी और रानी की प्रेम कहानी' हा सिनेमा प्रेक्षकांच्या भेटीला येणार आहे. बॉलिवूडमध्ये झळकल्यानंतर आलिया आता हॉलिवूडमध्ये पदार्पण करायला सज्ज आहे. तिचा 'हार्ट ऑफ स्टोन' हा हॉलिवूड सिनेमा लवकरच प्रेक्षकांच्या भेटीला येणार आहे.
संबंधित बातम्या