Rakhi Sawant : ड्रामा क्वीन राखी सावंत 'व्हॅलेंटाइन डे'च्या पूर्वसंध्येला पती रितेशपासून विभक्त, सोशल मीडियाद्वारे दिली माहिती

Rakhi Sawant : ड्रामा क्वीन राखी सावंत आणि रितेश विभक्त झाले आहेत. राखीने सोशल मीडियाच्या माध्यमातून यासंदर्भात माहिती दिली आहे.

Rakhi Sawant : ड्रामा क्वीन राखी सावंत (Rakhi Sawant) आणि रितेशचा (Ritesh) घटस्फोट झाला आहे. राखीने सोशल मीडियाच्या माध्यमातून यासंदर्भात माहिती दिली आहे. घटस्फोटाची माहिती देत राखीने इंस्टाग्रामवर एक लांबलचक पोस्ट लिहिली आहे. राखी आणि रितेश नुकतेच सलमान खानच्या बिग बॉसमध्ये दिसून आले होते. 

राखीने इंस्टाग्रामवर पोस्ट शेअर करत लिहिले आहे,"माझे चाहते आणि माझ्या प्रियजनांनो मी आणि रितेश विभक्त झाले आहोत. 'बिग बॉस' नंतर अशा काही घटना घडल्या की, त्यामुळे मला हा निर्णय घ्यावा लागला. आम्ही खूप प्रयत्न केले, पण शेवटी आम्ही विभक्त होण्याचा निर्णय घेतला आहे".

राखीने पुढे लिहिले आहे,'व्हॅलेंटाइन डेच्या एक दिवस आधीच घटस्फोट झाल्याने मला खूप वाईट वाटत आहे. सध्या मला माझ्या कामावर लक्ष केंद्रित करायचे आहे. स्वतःला आनंदी आणि निरोगी ठेवायचे आहे. मला समजून घेतल्याबद्दल सर्वांचे आभार". 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha