Jhund Song Teaser : बिग बी अमिताभ बच्चन (Amitabh Bachchan) यांची मुख्य भूमिका आणि 'सैराट' फेम नागराज मंजुळे (Nagraj Manjule) यांचे दिग्दर्शन असलेल्या बहुचर्चित 'झुंड' सिनेमातील पहिल्या गाण्याचा टीझर आऊट झाला आहे. 'आया ये झुंड है' (Aaya Ye Jhund Hai) हे सिनेमातील पहिले गाणे सोमवारी 14 फेब्रुवारी 2022 रोजी म्हणजेच व्हॅलेंटाईन डेला रिलीज होणार आहे.
अमिताभ बच्चन यांनी त्यांच्या इंस्टाग्राम अकाऊंटवरून 'आया ये झुंड है' गाण्याचा 20 सेकंदचा टीझर शेअर केला आहे. टीझर शेअर करत त्यांनी लिहिले आहे, 'झुंड' सिनेमा सर्वांची मनं जिंकेल. तेव्हा त्रास देणाऱ्यांनादेखील रडू येईल. 'आया ये झुंड है' हे गाणे उद्या प्रेक्षकांच्या भेटीला येणार आहे. तर 4 मार्च 2022 सिनेमा प्रदर्शित होणार आहे.
गाण्याच्या टीझरमध्ये तरुण मुलं हातात बॅट आणि काठ्या घेऊन चालताना दिसत आहेत. या सिनेमाचे दिग्दर्शन नागराज मंजुळे यांनी केले आहे. झुंड चित्रपटाचे कथानक हे विजय बारसे या फुटबॉल प्रशिक्षकांच्या जीवनावर आधारित असणार आहे, असं म्हणटलं जात आहे. सैराट फेम नागराज मंजुळे यांचा हा पहिला बॉलिवूडपट असणार आहे.
संबंधित बातम्या
Bollywood Movies : एप्रिलमध्ये अमिताभ, आमिर, अजय आणि टायगरचे चित्रपट येणार आमनेसामने
Fire On Bigg Boss Set : गोरेगाव फिल्मसिटीतील ‘बिग बॉस’च्या सेटवर मोठी आग, अग्निशमन दलाच्या 4 गाड्या घटनास्थळी दाखल
Gangubai Kathiawadi : रणवीर सिंगकडून आलियाच्या ‘गंगूबाई काठियावाडी’चं जोरदार प्रमोशन, ‘ढोलिडा’वर धरला ठेका!
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha