Brahmastra Box Office Collection: अभिनेत्री आलिया भट्ट (Alia Bhatt) आणि अभिनेता रणबीर कपूर (Ranbir Kapoor) यांचा ‘ब्रह्मास्त्र’(Brahmastra) हा चित्रपट रिलीज होऊन 15 दिवस झाले आहेत, तरी देखील हा चित्रपट बॉक्स ऑफिसवर चांगली कमाई करत आहे. चित्रपटातील आलिया आणि रणबीर कपूर यांच्या केमिस्ट्रीला तसेच चित्रपटातील VFX ला प्रेक्षकांची पसंती मिळत आहे. जाणून घेऊयात ब्रह्मास्त्रच्या कलेक्शनबाबत...
शुक्रवारी केली एवढी कमाई
एका वृत्तसंस्थेनं दिलेल्या माहितीनुसार, शुक्रवारी (23 सप्टेंबर) या चित्रपटानं 9.75 ते 11 कोटींची कमाई केली. आता चित्रपटाची एकूण कमाई जवळपास 230 कोटी एवढी झाली आहे. लवकरच हा चित्रपट 250 कोटींच्या क्लबमध्ये सहभागी होईल. जगभरातील बॉक्स ऑफिसवर या चित्रपटानं 360 कोटीपेक्षा जास्त कमाई केली आहे. आता वीकेंडला हा चित्रपट किती कमाई करेल? या प्रश्नाचं उत्तर लवकरच आलिया आणि रणबीरच्या चाहत्यांना मिळेल.
ब्रह्मास्त्र या चित्रपटामध्ये आलिया आणि रणबीरसोबतच अमिताभ बच्चन, नागार्जुन आणि मौनी रॉय या कलाकारांनी देखील प्रमुख भूमिका साकारली आहे. तसेच शाहरुख खान आणि दीपिका पादुकोणनं या चित्रपटामध्ये छोटी पण महत्त्वाची भूमिका साकारली आहे. सध्या सोशल मीडियावर ब्रह्मास्त्र चित्रपटातील शाहरुख आणि दीपिकाच्या लुक्सचे फोटो व्हायरल होत आहेत.
अयाननं ब्रह्मास्त्र चित्रपटाच्या दुसऱ्या भागाबाबत देखील सांगितलं. दोन वर्षांनी म्हणजेच 2025 मध्ये ब्रह्मास्त्रचा दुसरा पार्ट प्रेक्षकांच्या भेटीस येणार आहे, अशी माहिती अयाननं दिली होती.काही दिवसांपासून बॉयकॉट ब्रह्मास्त्र हा ट्रेंड सोशल मीडियावर व्हायरल झाला होता. चित्रपट रिलीज होण्याआधी सोशल मीडियावर बॉयकॉट ब्रह्मास्त्र हा ट्रेंड सुरु झाला होता. या चित्रपटावर बहिष्कार टाकण्याची मागणी नेटकरी करत होते. या ट्रेंडाचा चित्रपटाच्या कलेक्शनवर परिणाम होईल, असं म्हटलं जात होतं. पण सध्या हा चित्रपट बॉक्स ऑफिसवर चांगली कमाई करत आहे.
चित्रपटातील डायलॉग्सला नेटकऱ्यांनी केलं ट्रोल
चित्रपटातील आलियाच्या डायलॉग्सला काही नेटकरी सध्या ट्रोल करत आहेत. एका मुलाखतीमध्ये अयानला ब्रह्मास्त्र चित्रपटातील डायलॉग्सला ट्रोल करणाऱ्यांबद्दल प्रश्न विचारण्यात आला. त्यावेळी अयाननं उत्तर दिलं, 'चित्रपटातील काही पार्टच्या डायलॉगला ट्रोल केलं जातंय का? काही डायलॉग्स हे पेपरवर चांगले वाटतात. जेव्हा केसरिया गाणं रिलीज झालं तेव्हा त्यामधील लव्ह स्टोरिया या शब्दाला देखील लोकांनी ट्रोल केलं होतं. पण आता हे गाणं सुपरहिट ठरलं आहे. आता डायलॉग्सचं पण असंच असू शकतं.'
वाचा इतर महत्त्वाच्या बातम्या :