राजपूत करणी सेनेचे कार्यकर्ते गुजरात आणि राजस्थानवरुन मुंबईत आले. रविवारी सकाळी त्यांनी शेखर सुमन यांच्या निवासस्थानाबाहेर आंदोलन केलं. शेखर सुमन घरी नसल्यानं आपण पुन्हा येऊन पब्लिसिटी काय असते हे दाखवून देऊ असा इशारा त्यांनी दिला.
'पद्मावती' चित्रपटाच्या सेटवर दिग्दर्शक संजय लीला भन्साली यांना मारहाण आणि सेटची मोडतोड झाल्यानंतर शेखर सुमननं राजपूत करणी सेनेचा निषेध केला होता. तसंच कार्यकर्त्यांना मारहाण करण्याबाबतही वक्तव्य केलं होतं.
जयपूरमधील जयगडमध्ये सुरु असलेल्या ‘पद्मावती’ चित्रपटाच्या चित्रिकरणादरम्यान दिग्दर्शक संजय लीला भन्साळी यांना धक्काबुक्की आणि मारहाण करण्यात आली. राजपूत समाजाशी संबंधित करणी सेना या संघटनेने हा हल्ला केला.
चित्रीकरणादरम्यान पद्मावतीची भूमिका करणारी दीपिका आणि अल्लाउद्दीन खिलजीच्या भूमिकेतील रणवीर सिंहवर काही दृश्यं चित्रित करण्यात येत होती. ही दृश्यं चुकीची असल्याचं सांगत करणी सेनेने हल्ला केला.