लग्नापूर्वी निक न्यूयॉर्कहून थेट दिल्लीत पोहोचला होता. त्यावेळी प्रियांकाही तिच्या आगामी चित्रपटाच्या शुटिंगसाठी दिल्लीत होती. त्यावेळी या दोघांनी पंतप्रधान नरेंद्र मोदी यांची भेट घेऊन त्यांना रिसेप्शनचे आमंत्रण दिले होते, अशी माहिती मिळत आहे.
नरेंद्र मोदींसह विविध क्षेत्रातील मोठी मंडळी या रिसेप्शन उपस्थित राहणार आहे. त्यात उद्योजक मुकेश अंबानी हे सुद्धा रिसेप्शनला उपस्थित राहतील. प्रियांका-निकच्या संगीताच्या कार्यक्रमाला मुकेश अंबानींनी आपल्या कुटुंबियासोबत हजेरी लावली होती.
नुकतेच प्रियांका आणि निकचे जोधपूर येथे 1 डिसेंबर रोजी कॅथलिक पद्धतीने तर 2 डिसेंबरला हिंदू पद्धतीने विवाह सोहळा पार पडला होता. त्यात बॉलिवूडसह विविध क्षेत्रातील दिग्गजांनी हजेरी लावली होती.