Priyanka Chopra : 'The Matrix Resurrections' सिनेमात प्रियांका चोप्रा साकारणार 'सती'ची भूमिका

प्रियांका चोप्रा लवकरच 'The Matrix Resurrections'सिनेमाद्वारे प्रेक्षकांच्या भेटीला येणार आहे. या सिनेमात ती 'सती'ची भूमिका साकारणार आहे.

Priyanka Chopra : प्रियांका चोप्रा सध्या तिच्या आगामी 'द मॅट्रिक्स रिसरेक्शन्स' 'The Matrix Resurrections' या सिनेमामुळे चर्चेत आहे. या सिनेमाचे नुकतेच एक प्रदर्शित झाले होते. 'द मॅट्रिक्स' च्या चौथ्या भागात प्रियांका 'सती'ची भूमिका साकारणार आहे. 
सिनेमाच्या पोस्टरमध्ये स्थानिक भाषेत कॅप्शन लिहिण्यात आली आहे. तसेच प्रियांकाच्या पात्राचा उल्लेख करताना 'सती' हा हॅशटॅग वापरण्यात आला आहे. 

प्रियांकाच्या आगामी सिनेमाची चाहते प्रतीक्षा करत आहेत. 'द मॅट्रिक्स' च्या तिसऱ्या भागात सतीला ओरॅकलच्या देखरेखीखाली ठेवण्यात आले होते. ओरॅकलने 'द मॅट्रिक्स'मध्ये 'सती'ची तस्करी केल्यानंतर तिचे संरक्षण केले होते. प्रियांका 'द मॅट्रिक्स रिव्होल्यूशन्स'मध्ये 'सती'ची भूमिका साकारणार आहे. अलीकडेच ब्रिटीश फिल्म अवॉर्ड्समध्ये प्रियांकाने लक्ष वेधून घेतले होते. प्रियांकाचा ब्रिटीश फिल्म अवॉर्ड्समधील लूक जबरदस्त होता.

प्रियांका चोप्राने तिच्या इन्स्टा अकाउंटवरून जोनास आडनाव टाकले काढून 

प्रियांकाने तिच्या इंस्टाग्राम अकाउंटवरून जोनास आडनाव काढून टाकले आहे. त्यामुळे प्रियांका आणि निकच्या नात्याबद्दल अनेक तर्कवितर्क लावले जात आहेत. प्रियांका चोप्रा आणि निक जोनासच्या संबंधांबद्दल अनेक अफवा पसरवल्या जात आहेत. यावर स्पष्टीकरण देत मधु चोप्राने सोशल मीडियावर लिहिले आहे,"प्रियांका चोप्रा आणि निकचं नातं तुटलेलं नाही. कृपया अशा अफवा पसरवू नका. दोघांमध्ये सर्व काही ठीक आहे."

प्रियांका आणि निकने दिवाळी एकत्र साजरी केली होती. लग्नानंतर दोघांनी पहिल्यांदाच एकमेकांसोबत दिवाळी साजरी केली होती. पारंपरिक पद्धतीने दीपावली साजरी करताना दोघेही दिसून आले होते. फोटोंत दोघेही आनंदात दिसत होते. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha