Prajakta Koli Mostlysane Engagement With Boyfriend Vrishank Khanal : युट्यूबर आणि लोकप्रिय अभिनेत्री मोस्टलीसेन (Mostlysane) अर्थात प्राजक्ता कोळी (Prajakta Koli) आता एका वेगळ्याच कारणाने चर्चेत आली आहे. प्राजक्ताने बॉयफ्रेंड वृशांक खनालसोबत (Vrishank Khanal) गुपचूप साखरपुडा उरकला आहे. सोशल मीडियावर फोटो शेअर करत तिने चाहत्यांना सुखद धक्का दिला आहे.
प्राजक्ता कोळीची पोस्ट काय? (Prajakta Koli Post)
प्राजक्ताने सोशल मीडियावर एक फोटो शेअर केला आहे. या फोटोमध्ये प्राजक्ता आणि तिचा बॉयफ्रेंड वृशांक खनाल दोघेही अंगठी फ्लॉन्ट करताना दिसत आहेत. फोटो शेअर करत तिने लिहिलं आहे,"वृशांक आता माझा एक्स प्रियकर". प्राजक्ताच्या या फोटो आणि कॅप्शनवरुन तिचा साखरपुडा झाल्याचं स्पष्ट होत आहे. त्यांच्या पोस्टवर अनेक सेलिब्रिटींसह चाहत्यांनी शुभेच्छांचा वर्षाव केला आहे.
प्राजक्ता आणि वृशांक कॉजेलमध्ये असल्यापासून एकमेकांना डेट करत आहेत. वृशांक हा व्यवसायाने वकील आहे. वकील असूनही प्राजक्ताच्या करिअरमध्ये त्याने कायमच पाठिंबा दिला आहे. प्राजक्ता आणि वृशांक नेहमीच सोशल मीडियावर एकमेकांसोबतचे फोटो शेअर करत असे. अभिनेत्रीच्या आई-वडीलांसोबत वृशांकचं खूप छान बॉन्डिंग आहे. मोस्टलीसेन वृशांकसोबत लग्नबंधनात अडकणार असल्याने चाहत्यांचा आनंद गगनात मावेनासा झाला आहे.
प्राजक्ता कोळी कोण आहे? (Who Is Prajakta Koli)
प्राजक्ता कोळी एक लोकप्रिय युट्यूबर आहे. 'मिसमॅच्ड' या वेबसीरिजच्या माध्यमातून तिने अभिनयक्षेत्रात पाऊल ठेवलं. तर अनिल कपूर, वरुण धवन, नीतू कपूर आणि कियारा अडवाणी अभिनीत 'जुग जुग जिओ' या सिनेमाच्या माध्यमातून तिने सिनेसृष्टीत पदार्पण केलं. प्राजक्ताचा 'नीयत' हा सिनेमा काही दिवसांपूर्वी प्रेक्षकांच्या भेटीला आला होता. मोस्टलीसेन लवकरच लेखिका म्हणून पदार्पण करणार आहे. प्राजक्ताचे इंस्टाग्रामवर 7.9 मिलियन फॉलोअर्स आहेत.
प्राजक्ताचा बॉयफ्रेंड वृशांकबद्दल जाणून घ्या...
हैदराबादमध्ये जन्मलेला वृशांक खनाल वकील आहे. हैदराबादमध्येच वृशांकचं शिक्षण झालं आहे. बास्टेकबॉल खेळायला आणि गिटार वाजवायला वृशांकला आवडतं. वृशांकची एकूण संपत्ती 20-30 लाखांच्या आसपास आहे. वृशांकनेही सोशल मीडियावर प्राजक्तासोबतचे अनेक फोटो सोशल मीडियावर शेअर केले आहेत.
संबंधित बातम्या