Adipurush Teaser Release : 'आदिपुरुष' (Adipurush) सिनेमा गेल्या अनेक दिवसांपासून चर्चेत आहे. या सिनेमात दाक्षिणात्य सुपरस्टार प्रभास (Prabhas), सैफ अली खान (Saif Ali Khan), आणि कृती सेनन (Kriti Sanon) मुख्य भूमिकेत आहे. नुकताच या सिनेमाचा टीझर आऊट झाला आहे.
'आदिपुरुष' सिनेमाची पहिली झलक प्रेक्षकांच्या पसंतीस उतरली आहे. या सिनेमात प्रभास रामाच्या तर सैफ अली खान रावणाच्या भूमिकेत दिसून येणार आहे. रामाची नगरी असलेल्या अयोध्येत या सिनेमाचा टीझर लॉंच करण्यात आला आहे.
'आदिपुरुष'चा जबरदस्त ट्रेलर सिनेमाची उत्सुकता वाढवणारा आहे. प्रभासच्या आवाजाची जादू आणि वीएफएक्समुळे ट्रेलर एका वेगळ्याच उंचीवर पोहोचला आहे. टीझरच्या शेवटी 'जय श्री राम, जय श्री राम राजा राम'चा जयघोष ऐकू येत आहे. या सिनेमासाठी सैफ अली खानने खूप मेहनत घेतली असल्याचा अंदाज ट्रेलरवरुन येतो आहे.
12 जानेवारीला 'आदिपुरुष' येणार प्रेक्षकांच्या भेटीला
'आदिपुरुष' सिनेमाच्या दिग्दर्शनाची धुरा ओम राऊतने सांभाळली आहे. तर भूषण कुमारने या सिनेमाची निर्मिती केली आहे. 12 जानेवारी 2023 रोजी 'आदिपुरुष' हा सिनेमा प्रेक्षकांच्या भेटीला येणार आहे. हिंदी, तामिळ, मल्याळम, कन्नड या भाषांमध्ये 'आदिपुरुष' सिनेमा प्रदर्शित होणार आहे.
500 कोटींच्या बजेटमध्ये 'आदिपुरुष' सिनेमाची निर्मिती करण्यात आली आहे. हा पौराणिक शैलितील सिनेमा आहे. हा सिनेमा रामायणावर आधारित आहे. 'आदिपुरुष' सिनेमात व्हीएफएक्स आणि दमदार अॅक्शन सीक्वेन्स पाहायला मिळणार असल्याचा ट्रेलरवरुन अंदाज येतो.
संबंधित बातम्या