Kadak Singh Movie: बॉलिवूडमधील प्रसिद्ध अभिनेते पंकज त्रिपाठी (Pankaj Tripathi) हे त्यांच्या अभिनयानं प्रेक्षकांची मनं जिंकत असतात. पंकज त्रिपाठी यांच्या आगामी चित्रपटांची प्रेक्षक उत्सुकतेने वाट बघत आहेत. लवकरच पंकज त्रिपाठी यांचा 'कडक सिंह' (Kadak Singh) हा चित्रपट प्रेक्षकांच्या भेटीला येणार आहे. या चित्रपटाचे पोस्टर नुकतेच रिलीज झाले आहे. या पोस्टरनं अनेकांचे लक्ष वेधले आहे.
पंकज त्रिपाठी यांनी शेअर केलं पोस्टर (Kadak Singh Movie Poster)
पंकज त्रिपाठी यांनी कडक सिंह चित्रपटाचं पोस्टर सोशल मीडियावर शेअर केलं आहे. या पोस्टरला त्यांनी कॅप्शन दिलं, 'कहानियां कईं पर सच सिर्फ एक. क्या कड़क सिंह झूठ के आगे की चीजों को देख पाएगा?' कडक सिंह चित्रपटाच्या पोस्टरमध्ये पंकज त्रिपाठी यांचे हावभाव गंभीर दिसत आहेत. कडक सिंह चित्रपटाचं पोस्टर पाहिल्यानंतर आता पंकज त्रिपाठी यांच्या या चित्रपटात कोणती कथा दाखवण्यात येणार आहे? याकडे आता अनेकांचे लक्ष लागले आहे.
कोणत्या ओटीटी प्लॅटफॉर्मवर रिलीज होणार कडक सिंह? (Kadak Singh On OTT)
पंकज त्रिपाठी यांचा कडक सिंह हा चित्रपट झी-5 या ओटीटी प्लॅटफॉर्मवर रिलीज होणार आहे. IMDb नुसार, पंकज त्रिपाठी हे 'कडक सिंह' या चित्रपटामध्ये ए के श्रीवास्तव नाम ही भूमिका साकारणार आहेत. पंकज त्रिपाठी यांच्यासोबतच संजना सांघी, पार्वती थिरुवोथु यांनी 'कडक सिंग' या चित्रपटामध्ये काम केलं आहे. अनिरुद्ध रॉय चौधरी यांनी या चित्रपटाचं दिग्दर्शन केले आहे.
पंकज त्रिपाठी यांचे आगामी चित्रपट (Pankaj Tripathi Upcoming Films)
कडक सिंह या चित्रपटासोबतच पंकज त्रिपाठी यांच्या इतर आगामी चित्रपटांची देखील प्रेक्षक उत्सुकतेने वाट बघत आहेत. मैं अटल हूं, मेट्रो इन दिनो आणि स्त्री-2 हे पंकज त्रिपाठी यांचे चित्रपट प्रेक्षकांच्या भेटीला येणार आहे.
69 व्या राष्ट्रीय चित्रपट पुरस्कार सोहळ्यात पंकज त्रिपाठी यांना 'मिमी' चित्रपटासाठी सर्वोत्कृष्ट सहाय्यक अभिनेत्याच्या पुरस्कारानं गौरवण्यात आलं. 'मिमी' या चित्रपटामधील पंकज त्रिपाठी यांच्या अभिनयाला अनेकांची पसंती मिळाली.
संबंधित बातम्या: