OTT Release Week :  सध्या मनोरंजनासाठी प्रेक्षकांचा ओढा ओटीटी प्लॅटफॉर्मकडे वाढला आहे. ओटीटी प्लॅटफॉर्मवर ही प्रेक्षकांसाठी नवीन चित्रपट, वेब सीरिज रिलीज करण्यात येत आहे. जून महिन्यातही ओटीटी प्लॅटफॉर्मवर अनेक चित्रपट, वेब सीरिज लाँच (OTT Release Weekend) होणार आहेत.  या आठवड्यात (1 July-7 July) ओटीटी प्लॅटफॉर्मवर मिर्झापूर 3 सह इतर वेब सीरिज,  चित्रपट रिलीज होणार आहे. 


 


>> या आठवड्यात ओटीटीवर काय रिलीज होणार?


गेल्या महिन्यात जूनमध्ये अनेक वेब सिरीज आणि चित्रपट प्रदर्शित झाले. ओटीटीवर या वेब सीरिजला, चित्रपटांना प्रेक्षकांचा चांगला प्रतिसाद मिळाला होता. या आठवड्यात अनेक उत्तम मालिका प्रदर्शित होत आहेत. या आठवड्यात क्राईम, थ्रिलरचा धडाका असणार आहे. 


 


> मिर्झापूर-3 


बहुप्रतिक्षीत मिर्झापूर या वेब सीरिजचा तिसरा सीझन प्रेक्षकांच्या भेटीला येणार आहे. 5 जुलैपासून 'मिर्झापूर'चा तिसरा सीझन स्ट्रीम होणार आहे. 


कोणत्या ओटीटीवर? ही वेब सीरिज प्राईम व्हिडीओवर पाहता येईल. 


 


> गरुडन


दाक्षिणात्य चित्रपट गरुडन थिएटर्सनंतर आता ओटीटी प्लॅटफॉर्मवर प्रदर्शित होणार आहे. तमिळ-भाषेतील ॲक्शन थ्रिलर चित्रपट आहे जो वेत्रीमारन यांच्या मूळ कथेवरून आर.एस. दुराई सेंथिलकुमार यांनी लिहिलेला आणि दिग्दर्शित केला आहे. या चित्रपटात सूरी , एम. शशिकुमार आणि उन्नी मुकुंदन यांच्या प्रमुख भूमिका आहेत


कोणत्या ओटीटीवर? हा चित्रपट प्राइम व्हिडिओवर 3 जुलै रोजी रिलीज होणार आहे. 


 


> रेड स्वान 


रेड स्वान ही कोरियन वेब सीरिज आहे. एका यशस्वी महिला गोल्फपटूच्या जीवनाभोवती या वेब सीरिजची कथा आहे. एक अंगरक्षक नेमल्यानंतर तिच्या कुटुंबाच्या काळ्या बाजूबद्दल माहिती मिळते. नेमकं काय कळतं? तिच्या आयुष्यात काय बदल होतील? हे या  सीरिजमधून समजेल


कोणत्या ओटीटीवर? ही वेब सीरिज डिस्ने प्लस हॉटस्टारवर 3 जुलै रोजी प्रदर्शित होत आहे.


> स्पेस कॅडेट


पार्ट्यांमध्ये रमलेली एका मुलगी नासाच्या महत्त्वाकांक्षी अंतराळ मोहिमेसाठी निवडली जाते. नासासाठी या मोहिमेसाठी ती शेवटची अपेक्षा असते. अंतराळ मोहिमेच्या प्रशिक्षणादरम्यान काय घडते? तिच्या आयुष्यात काय बदल होतात? यावर कथानक आहे.


कोणत्या ओटीटीवर? 4 जुलैपासून प्राईम व्हिडीओवर स्ट्रीम होणार आहे.


 


'ही वेंट दॅट वे' He Went That Way 


He Went That Way हा 2023 चा अमेरिकन क्राइम ड्रामा चित्रपट आहे. दिग्दर्शक जेफ्री डार्लिंगचा हा  पदापर्णातील चित्रपट आहे. एका सीरियल किलर भोवती चित्रपटाची कथा आहे. 


कोणत्या ओटीटीवर? जिओ सिनेमावर 5 जुलैपासून स्ट्रीम होणार आहे.