मुंबई : प्रख्यात अभिनेते ओम पुरी यांच्या मृत्यू प्रकरणाला वेगळं वळण लागलं आहे. पोस्टमार्टम अहवालानुसार पुरी यांच्या डोक्याला जखम झाली असून त्यांचा मृत्यू नैसर्गिक कारणाने नव्हे, तर घातपाताने झाल्याची शक्यता बळावली आहे.

ओम पुरी यांच्या मृत्यूची चौकशी होणार


अभिनेते ओम पुरी यांचं शुक्रवार 6 जानेवारी 2017 रोजी मुंबईतील राहत्या घरी निधन झालं. हृदयविकाराच्या तीव्र झटक्याने पुरी यांचं निधन झाल्याचा कयास व्यक्त केला जात होता. पोलिसांनी ओम पुरी यांच्या घराचा पंचनामा केला. प्राथमिकदृष्ट्या ओम पुरी यांचा मृत्यू नैसर्गिक वाटत असला तरी या प्रकरणाची चौकशी पोलिसांनी सुरु केली होती.

ज्येष्ठ अभिनेते ओम पुरी यांचं निधन


पुरी यांच्या डोक्याच्या मागच्या बाजुला दीड इंच खोल आणि चार इंच लांब खोक पडली होती. पोस्टमार्टम अहवालात पुरी यांचा मृत्यू नैसर्गिक नसल्याचं समोर आलं आहे. त्यांच्या डोक्याला झालेल्या जखमेमुळे घातपाताची शक्यता बळावली आहे. ही दुखापत कशामुळे झाली, हे अद्याप स्पष्ट झालेलं नाही.

ज्येष्ठ अभिनेते ओम पुरी यांची कारकीर्द


'ओम पुरी मृत्यूच्या आदल्या रात्री अत्यंत अस्वस्थ होते. त्यांनी मद्यपान केलं होतं. त्यांना मुलगा इशानची भेट घ्यायची होती, मात्र ते शक्य झालं नाही. इतकंच नाही तर घटस्फोटित पत्नी नंदिता यांच्यासोबत त्यांचं कडाक्याचं भांडण झालं होतं.' अशी माहिती ओम पुरी यांच्या ड्रायव्हरने दिली आहे.

ओम पुरी यांचे 10 गाजलेले सिनेमे


आम्ही सीसीटीव्ही फूटेजची तपासणी करणार आहोत. येणाऱ्या-जाणाऱ्यांचीही चौकशी होणार आहे. गरज पडल्यास पत्नी नंदिता पुरी यांचीही चौकशी केली जाईल, असंही पोलिसांनी सांगितलं होतं.

निर्माते खालिद रिझवी यांनी सांगितलेला ओम पुरी यांचा गुरुवार 5 जानेवारी 2017 चा दिनक्रम


“ओम पुरी यांनी संध्याकाळी फोन करुन मला घरी बोलावलं. मी संध्याकाळी साडेपाच वाजता ओम पुरी यांच्या घरी गेलो. तिथे त्यांची मुलाखत सुरु होती. मुलाखत संपल्यानंतर ओम पुरींनी मला एका कार्यक्रमाला जायचं असल्याचं सांगितलं. तसंच मला सोबत यायला सांगितलं. पण मी नकार दिल्यावर पुरींनी गाडीने सोडण्यास सांगितलं.

6 वक्तव्य, ज्यामुळे ओम पुरी वादात अडकले!


त्यानंतर पहिल्यांदा ते त्रिशूल या त्यांच्या घरी गेले, जिथे नंदिता पुरी राहतात. यावेळी पत्नी नंदितासोबत त्यांचं जोरदार भांडण झालं. ते मुलगा इशांतला भेटण्यासाठी गेले होते. खाली येऊन त्यांनी इशांतला कॉल केला, पण तो कोणत्यातरी पार्टीत होता. त्यानंतर ते गाडीतच त्याची वाट पाहू लागले. यादरम्यान त्यांनी पुन्हा मद्यपानही केलं.

पंतप्रधान, बॉलिवूडकडून ओम पुरींना श्रद्धांजली


यानंतर आम्ही मनोज पहावाच्या घरी गेलो. तिथेही पैशांवरुन त्याचा कोणाशी तरी वाद सुरु होता. मी बाहेर होतो, त्यामुळे ते कोणाशी भांडत होते, हे मला माहित नाही. ते बाहेर आले तेव्हा फारच भावुक झाले होते. त्यानंतर मी त्यांना सोडलं. पण कारमध्ये त्यांचं पाकिट पडलं होतं. फारच उशिर झाल्याने त्यांचं पाकिट परत करण्यासाठी ड्रायव्हरला सकाळी त्यांच्याकडे पाठवलं. पण ते दरवाजा उघडत नसल्याचं ड्रायव्हरने सांगितलं.”