या चित्रपटाचं नाव आहे कागर. रिंकूच्या या नव्या चित्रपटाचं नाव आणि फोटो नुकताच सोशल मीडियात लाँच करण्यात आला. दिवाळीच्या मुहूर्तावर सिनेमाची घोषणा झाली असली तरी सुरुवातीला चित्रपटाचं नाव गुलदस्त्यात ठेवण्यात आलं होतं.
या चित्रपटात रिंकूसह इतर कलाकार कोण आहेत, हे लवकरच जाहीर होईल. 'उदाहरणार्थ निर्मित'चे सुधीर कोलते आणि विकास हांडे या चित्रपटाची निर्मिती करत आहे.
'रिंगण'फेम मकरंद मानेने त्याच्या नव्या सिनेमासाठी रिंकूची निवड केली आहे. विशेष म्हणजे मकरंद आणि रिंकू या दोघांनाही एकाच वर्षी राष्‍ट्रीय पुरस्कार मिळाला होता.
'रिंगण' सिनेमातून मकरंदमधला संवेदनशील दिग्दर्शक दिसला तर 'सैराट'मधून रिंकूमधली अभिनेत्री समोर आली. त्यामुळे आता या दोघांची एकत्रित कलाकृती कशी असेल याची उत्सुकता नक्कीच वाढली आहे.
दरम्यान, चित्रपटाचं नाव वाचून/पाहून प्रेक्षकांच्या मनात चित्रपटाविषयी नक्कीच कुतूहल निर्माण होईल, याची खात्री आहे. तसंच या चित्रपटातून प्रेक्षकांना बरीच सरप्राईज मिळणार आहेत,' असं दिग्दर्शक मकरंद माने म्हणाले.
संबंधित बातम्या
रिंकू राजगुरुच्या नव्या सिनेमाची घोषणा!
रिंकू राजगुरु सध्या काय करते?
मराठी फिल्मफेअर पुरस्कारांमध्ये यंदा सैराटची धूम
व्हायरल सत्य : धबधब्याजवळ नाचताना रिंकू जोरदार पडली?