Salman Khan Viral Video : नदीम खान (Nadeem Khan) यांनी 40 हून अधिक चित्रपटांसाठी सिनेमॅटोग्राफर म्हणून काम केले आहे. यामध्ये डिस्को डान्ससह अनेक सुपरहिट सिनेमांचा समावेश आहे. किंगल अंकल, इलजाम, जुर्म, आवर्गी, गुनाह, गँग, खलनायका यांसारखे सिनेमे समाविष्ट आहेत. पण काही वर्षांपूर्वी शिड्यांवरुन पडल्यामुळे नदीम खान यांची ब्रेन सर्जरी झाली. तरीही त्यांची पत्नी पार्वती खान या त्यांना घेऊन मतदानासाठी मतदान केंद्रावर पोहचल्या. यावेळी त्यांची भेट बॉलीवूडचा भाईजान सलमानसोबत (Salman Khan) झाली. यावेळी सलमानच्या कृत्याने चाहत्यांनी मनं जिंकून घेतलीत.
सलमान जेव्हा वांद्रे पश्चिम येथील त्याच्या मतदान केंद्रावर पोहचला, त्यावेळी नदीम खानही तिथे होते. त्यावेळी सलमानने त्यांच्याशी आपुलकीचा संवाद साधल्याचं पाहायला मिळालं. नदीम खान यांची ब्रेन सर्जरी झाल्यामुळे त्यांना बऱ्याचश्या गोष्टी कळत नाही पण तरीही सलमाने त्याची ओळख पटवून देण्याचा प्रयत्न केला. सध्या सलमानचा हा व्हिडिओ सोशल मीडियावरही बराच व्हायरल होत असून अनेकांनी यावर कमेंट्स करत भाईजानचं कौतुक केलं आहे.
कोण आहेत नदीम खान?
नदीम खान यांनी जवळपास 40 पेक्षा अधिक सिनेमांसाठी सिनेमॅटोग्राफर म्हणून काम केले आहे. यामध्ये डिस्को डान्सर सारख्या सुपरहिट चित्रपटांव्यतिरिक्त, किंगल अंकल, इलजाम, जुर्म, आवर्गी, गुनाह, गँग, खलनायका सारख्या अनेक चित्रपटांचा समावेश आहे. सिनेमॅटोग्राफी करण्यासोबतच त्यांनी 'तिरची टोपीवाले' या चित्रपटाचे दिग्दर्शनही केले होते. नदीम खान 1994 मध्ये चंद्रकांता या लोकप्रिय मालिकेसोबत छायाचित्रण दिग्दर्शक म्हणूनही जोडले गेले होते.