Jogira Sara Ra Ra Teaser Out : बॉलिवूड अभिनेता नवाजुद्दीन सिद्दीकी (Nawazuddin Siddiqui) हा गेल्या काही दिवसांपासून त्याच्या वैयक्तिक आयुष्यामुळे चर्चेत आहे.अशातच नवाजुद्दीनच्या आगामी चित्रपटाचा टीझर रिलीज झाला आहे. नवाजुद्दीनचा ‘जोगीरा सारा रा रा’ (Jogira Sara Ra Ra) हा चित्रपट लवकरच प्रेक्षकांच्या भेटीस येणार आहे. या चित्रपटाच्या टीझरमध्ये नवाजुद्दीनचा कॉमेडी अंदाज बघायला मिळत आहे.
नवाजुद्दीनच्या 'जोगिरा सारा रा रा' या चित्रपटाच्या टीझरमध्ये नवाजुद्दीन हा एका जुगाडू व्यक्तीच्या भूमिकेत असून त्याच्या भूमिकेचं नाव जोगी प्रताप आहे. टीझर सुरू होताच जोगी का जुगाड़ कभी फेल नहीं होता हा नवाजुद्दीनचा डायलॉग ऐकू येतो. त्यानंतर टीझरमध्ये नेहा शर्माची एन्ट्री होते. नवाजुद्दीनचा हा कॉमेडी चित्रपटाला प्रेक्षकांची पसंती मिळेल का? या प्रश्नाचं उत्तर लवकरच मिळेल.
पाहा टीझर
‘जोगीरा सारा रा रा’ कधी होणार रिलीज
कुशन नंदी यांनी दिग्दर्शित केलेल्या ‘जोगीरा सारा रा रा’ या चित्रपटाची रिलीज डेटही जाहीर करण्यात आली आहे. हा चित्रपट 12 मे 2023 रोजी थिएटरमध्ये प्रदर्शित होणार आहे. या चित्रपटाचा टीझर रिलीज झाल्यानंतर नवाजुद्दीन चे चाहते त्याच्या चित्रपटाची आतुरतेने वाट पाहत आहेत.
नवाजुद्दीनचे चित्रपट
नवाजुद्दीन सिद्दीकीच्या गँग ऑफ वासेपूर, मंटो, ठाकरे, 'बजरंगी भाईजान' या चित्रपटांना आणि सेक्रेड गेम्स या वेब सीरिजला प्रेक्षकांची पसंती मिळाली. नवाजुद्दीनच्या अभिनयाचं अनेक जण कौतुक करतात. त्याचा चाहता वर्ग देखील मोठा आहे. नवाजुद्दीन हा लवकरच 'हड्डी' या चित्रपटामधून प्रेक्षकांच्या भेटीस येणार आहे. तसेच त्याच्या ‘जोगीरा सारा रा रा’ या चित्रपटाची देखील प्रेक्षक उत्सुकतेने वाट बघत आहेत.
आलियाने नवाजुद्दीनवर केले गंभीर आरोप
गेल्या काही दिवसांपासून नवाजुद्दीन हा त्याच्या वैयक्तिक आयुष्यामुळे चर्चेत आहे. आलिया सिद्दीकीने नवाजुद्दीनवर काही गंभीर आरोप केले आहेत. आलियानं सोशल मीडिया पोस्टच्या माध्यमातून नवाजुद्दीनवर काही आरोप केले आहेत. आलियानं नवाजुद्दीनच्या विरोधात गुन्हा दाखल केला होता.
वाचा इतर महत्त्वाच्या बातम्या: