'दीवार' सिनेमा पाहिला, तेव्हा अमिताभप्रमाणे शर्टाला गाठ बांधून शाळेत जायचो. मार पडला, तरी सवय मोडली नाही, अशा शब्दात नागराज यांनी बालपणीच्या आठवणींना उजाळा दिला. शोले, याराना, डॉन, कुली, सत्ते पे सत्ता, शहेनशाह, लावारिस, कालिया, शराबी अशा अनेक चित्रपटांचा उल्लेख करत नागराज यांनी आपलं बालपण समृद्ध करणाऱ्या बिग बींचे आभार व्यक्त केले.
सैराट आणि फँड्री या सिनेमांच्या घवघवीत यशानंतर दिग्दर्शक नागराज मंजुळे नव्या सिनेमावर काम करत आहेत. या सिनेमात अमिताभ बच्चन दिसणार असल्याची माहिती त्यांनी दिली होती. या चित्रपटाच्या माध्यमातून नागराज बॉलिवूडमध्ये पदार्पण करत आहेत.
ज्याचे चित्रपट पाहत लहानाचा मोठा झालो, तो या शतकाचा महानायक माझ्या पुढच्या सिनेमाचा नायक आहे, यापेक्षा दुसरी आनंदाची गोष्ट काय असू शकते, असं म्हणताना नागराज यांचा आनंद शब्दात मावेनासा झाला आहे.
नागराज मंजुळेंच्या आगामी सिनेमात बिग बी दिसणार!
नागराज मंजुळेंनी या कथेवर गेल्या एक ते दीड वर्षांपासून काम केलं आणि अमिताभ बच्चन यांना जानेवारीमध्ये सिनेमाचं कथानक दाखवलं. अमिताभ बच्चन यांनी सिनेमाला होकार दिला असून या वर्षाअखेरपर्यंत सिनेमाची निर्मिती प्रक्रिया सुरु होणार असल्याची माहिती आहे.
नागराज मंजुळे यांची फेसबुक पोस्ट :