Munjya Box Office Collection Day 12: आदित्य सरपोतदार (Aditya Sarpotdar) दिग्दर्शित 'मुंज्या' (Munjya) चित्रपट बॉक्स ऑफिसवर जोरदार कमाई करत आहे. दुसऱ्या आठवड्यातही 'मुंज्या'चा दबदबा कायम असल्याचे चित्र आहे. रिलीजच्या दुसऱ्या मंगळवारी 'मुंज्या'ने चांगली कमाई केली आहे. चित्रपटाने आपले बजेट पहिल्याच आठवड्यात वसूल केले होते. रिलीजच्या दुसऱ्या वीकेंडला दमदार कलेक्शन केले.
मुंज्याने 12 व्या दिवशी किती कमाई केली?
'मुंज्या' बॉक्स ऑफिसवर रोज कमाल करत आहे. कोणत्याही मोठ्या स्टार कलाकाराशिवाय चित्रपट प्रेक्षकांना आपल्याकडे खेचण्यास यशस्वी झाला आहे. चित्रपटाचे कथानक, कलाकारांचा अभिनय, व्हीएफएक्स यामुळे चित्रपटाला प्रेक्षकांची पसंती मिळत आहे. 'मुंज्या' आता दुसऱ्या आठवड्यातही चांगली कमाई करत आहे. मुंज्याने रिलीजच्या पहिल्याच दिवशी 4 कोटींची कमाई केली होती.
या चित्रपटाने दुसऱ्या दिवशी 7.25 कोटी रुपये, तिसऱ्या दिवशी 8 कोटी रुपये, चौथ्या दिवशी 4 कोटी रुपये, पाचव्या दिवशी 4.15 कोटी रुपये, सहाव्या दिवशी 4 कोटी रुपये आणि सातव्या दिवशी 3.9 कोटी रुपयांची कमाई केली. रिलीजच्या पहिल्याच आठवड्यात 'मुंज्या'ने 35.3 कोटींची कमाई केली. 'मुंज्या'ने दुसऱ्या आठवड्याच्या दुसऱ्या शुक्रवारी 3.5 कोटी रुपये, दुसऱ्या शनिवारी 6.5 कोटी रुपये, दुसऱ्या रविवारी 8.5 कोटी रुपये आणि दुसऱ्या सोमवारी 5.25 कोटी रुपये कमवले. आता 'मुंज्या'च्या रिलीजच्या 12व्या दिवसाच्या म्हणजेच दुसऱ्या मंगळवारी किती कमाई केली, याचा प्राथमिक अंदाज समोर आला आहे.
सॅकनिल्कच्या रिपोर्टनुसार, मुंज्याने रिलीजच्या 12 व्या दिवशी 3.40 कोटींची कमाई केल्याचा अंदाज आहे. अशा प्रकारे 'मुंज्या'ने बाराव्या दिवशी 62.45 कोटींची कमाई केली.
12 दिवसात 60 कोटींची कमाई
'मुंज्या'ने बॉक्स ऑफिसवर आलेली मरगळ दूर केली आहे. 'मुंज्या'च्या आधी बॉक्स ऑफिसवर मोठ्या स्टारचे चित्रपट आले होते. पण,त्यांना अपेक्षित प्रतिसाद मिळाला नाही. त्यानंतर कोणतीही मोठी स्टारकास्ट नसताना 'मुंज्या'ने बॉक्स ऑफिसवर धमाल उडवून दिली आहे. 12 दिवसात 60 कोटींहून अधिक कमाई केली असून आता चित्रपट 100 कोटींच्या क्लबमध्ये जाण्याच्या मार्गावर आहे.