Moradabad Fashion Designer Muskan Narang Suicide : उत्तरप्रदेशातील मुरादाबाद (Moradabad) येथील लोकप्रिय फॅशन डिझायनर (Fashion Designer) मुस्कान नारंगने (Muskan Narang) आत्महत्या करत स्वत:चं आयुष्य संपवलं आहे. वयाच्या 25 व्या वर्षी आत्महत्या करत तिने आयुष्य संपवलं आहे.
मुस्कान नारंगच्या वडिलांनी म्हणजेच चंद्रप्रकाश नारंग यांनी दिलेल्या माहितीनुसार, मुस्कान मुंबईवरुन आल्यापासून ती नैराश्याचा सामना करत असल्याचं मला जाणवलं होतं. ती आली तेव्हा आम्ही सर्वांनी एकत्र जेवण केलं आणि झोपण्यासाठी ती तिच्या खोलीत निघून गेली. सकाळी आम्ही तिला आवाज दिला पण ती बाहेर आलीच नाही. त्यावेळी आम्ही खिडकीतून तिला डोकावून पाहिलं तेव्हा ती पंख्याला लटकलेली दिसून आली.
मुंबईतून आल्यानंतर मुस्कान नैराश्यात असल्याचं आम्हाला जाणवायचं त्यानंतर आम्ही तिला समजावत असे. फॅशन डिझायनरच्या आत्महत्येप्रकरणी पोलीस तपास करत आहे. मुस्कानने आत्महत्या करण्याआधी सुसाइड नोट लिहिलेली नाही. पोलीस अधिकारी अखिलेश सिंह भदौरिया यांनी दिलेल्या माहितीनुसार, मृतदेह शवविच्छेदनासाठी पाठवण्यात आला आहे".
मुस्कानने दिल्लीत फॅशन डिझायनिंगचा कोर्स केला. त्यानंतर ती मुंबईतील एका कंपनीत फॅशन डिझायनर म्हणून काम करू लागली. आत्महत्या करण्याआधी मुस्कान सोशल मीडियावर अॅक्टिव्ह होती. सोशल मीडियावर एक व्हिडीओ शेअर करत तिने आत्महत्या करत असल्याचे संकेत दिले होते.
मुस्कान या व्हिडीओमध्ये म्हणत आहे,"हा माझा शेवटचा व्हिडीओ आहे. या व्हिडीओनंतर तुम्हाला मला पाहता येणार नाही. आपल्या अडचणी, समस्यां दुसऱ्यांना सांगितल्यामुळे आपल्याला हलकं वाटतं, असा चुकीचा समज आहे".
नोकरी गेल्यामुळे मुस्कान नैराश्यात
मुस्कानच्या वडिलांनी पोलिसांना दिलेल्या माहितीनुसार, मुस्कान मुंबईतील एका चांगल्या कंपनीत फॅशन डिझायनर म्हणून काम करत होती. पण काही कारणांने तिची नोकरी गेली आणि ती नैराश्यात गेली. त्यानंतर घरच्यांनी तिची समजूत घालण्याचा प्रयत्न केला होता. मुस्कानने आत्महत्या केल्यामुळे तिच्या कुटुंबीयांना मोठा धक्का बसला आहे. नोकरी गेल्यामुळे मुस्कान नैराश्यात गेल्याचा संशय व्यक्त केला जात आहे. अद्याप आत्महत्येचं कारण समोर आलेलं नाही.
संबंधित बातम्या