Monkey Man Trailer Out: प्रसिद्ध अभिनेता देव पटेल हा त्याच्या आगामी 'मंकी मॅन' (Monkey Man) या चित्रपटामुळे बऱ्याच दिवसांपासून चर्चेत आहे. आता त्याच्या या चित्रपटाचा ट्रेलर रिलीज झाला आहे. हा ट्रेलर ॲक्शन, ड्रामा आणि इमोशन्सनं भरलेला आहे. या चित्रपटातून देव पटेल दिग्दर्शनात पदार्पण करणार आहेत. या ट्रेलरमधील अभिनेत्री शोभिता धुलिपालाच्या (Sobhita Dhulipala) ग्लॅमरस लूकनं अनेकांचे लक्ष वेधले आहे.


'मंकी मॅन' चा ट्रेलर रिलीज


'मंकी मॅन'  या चित्रपटाचा ट्रेलर पाहिल्यानंतर असा अंदाज लावला जाऊ शकतो की, चित्रपटाची कथा एका  फाईट क्लबमध्ये आयुष्य जगणाऱ्या मुलाभोवती फिरते. देव पटेल या मुलाची भूमिका साकारत आहे, जो मंकी  मास्कच्या मागे लपून लढत आहे.


कधी प्रदर्शित होणार चित्रपट?


देव पटेलचामंकी मॅन हा चित्रपट 5 एप्रिल रोजी जगभरात प्रदर्शित होण्यासाठी सज्ज झाला आहे.  हा चित्रपट जॉर्डन पीलच्या स्वतःच्या मंकीपॉ प्रोडक्शन अंतर्गत तयार करण्यात आला आहे, तर हा चित्रपट युनिव्हर्सल पिक्चर्सद्वारे प्रदर्शित होत आहे.


शोभितानं सोशल मीडियावर मंकी मॅनचा ट्रेलर शेअर केला आहे. या ट्रेलरला कमेंट करुन अनुराग कश्यप, सिद्धार्थ चतुर्वेदी यांनी  शोभिताला तिच्या या आगामी चित्रपटासाठी शुभेच्छा दिल्या आहेत. 


पाहा ट्रेलर:






शोभिता धुलिपालाचं  हॉलिवूडमध्ये पदार्पण


देव पटेलच्या 'मंकी मॅन' या चित्रपटातून अभिनेत्री शोभिता धुलिपाला हॉलिवूडमध्ये पदार्पण करणार आहे. बॉलीवूड आणि  दाक्षिणात्य चित्रपटसृष्टीत काम केल्यानंतर  शोभिता आता हॉलिवूडमध्ये नशीब आजमावण्यासाठी सज्ज झाली आहे. तिची झलक मंकी मॅनच्या ट्रेलरमध्ये दिसत आहे.


शोभिता धुलिपालाचे आगामी चित्रपट 


शोभिता धुलिपाला ही मंकी मॅनसोबतच आलिया भट्टच्या 'जिगरा' या चित्रपटातही दिसणार आहे. वासन बाला यांच्या दिग्दर्शनाखाली बनलेल्या या चित्रपटात  शोभिता ही महत्त्वपूर्ण भूमिका साकारणार आहे. शोभिताची 'मेड इन हेवन 2' ही वेब सीरिज काही दिवसांपूर्वी प्रेक्षकांच्या भेटीला आली. याशिवाय तिनं 'कालाकांडी' आणि 'द नाईट मॅनेजर' सारख्या वेब सीरिजमध्ये देखील काम केलं आहे. आता तिच्या आगामी चित्रपटांची प्रेक्षक उत्सुकतेने वाट बघत आहेत. 


वाचा इतर महत्वाच्या बातम्या:


Kanguva : बॉबी देओलचे वाढदिनी चाहत्यांना मोठे गिफ्ट, 'कंगुवा'तील लूक प्रेक्षकांच्या भेटीला