Mithun Chakraborty : प्रकृती अस्वास्थामुळे अभिनेते आणि भाजप नेते मिथुन चक्रवर्ती (Mithun Chakraborty) यांना शनिवारी 10 फेब्रुवारी रोजी कोलकाता येथील एका खाजगी रुग्णालयात दाखल करण्यात आले. आता मिथुन चक्रवर्ती यांना सोमवारी 12 फेब्रुवारी रोजी रुग्णालयातून डिस्चार्ज देण्यात आला आहे. आता मिथुनची प्रकृती पूर्णपणे ठीक आहे. मिथुन लवकरच आगामी चित्रपटाच्या शूटिंगलाही सुरुवात करणार असल्याचे बोलले जात आहे. 'पीटीआय' या वृत्तसंस्थेच्या वृत्तानुसार, मिथुन यांची प्रकृती पूर्णपणे बरी आहे. सोमवारी रुग्णालयातून डिस्जार्ज (Mithun Chakraborty Discharged ) देण्यात आला आहे.
मिथुन चक्रवर्ती यांनी 10 फेब्रुवारी रोजी सकाळी छातीत दुखत असल्याची तक्रार केली. त्यानंतर त्यांना कोलकाता येथील एका खाजगी रुग्णालयात दाखल करण्यात आले. तेथे सर्व आवश्यक चाचण्या आणि रेडिओलॉजी तपासणी करण्यात आल्या. वैद्यकीय चाचणीत मिथुन चक्रवर्ती यांना Ischemic Cerebrovascular Accident (Stroke) झाला असल्याचे निदान झाले. त्यानंतर त्यांच्यावर तातडीने उपचार सुरू होते.
पुढची लोकसभा निवडणूक लढवणार नाही
अभिनेते मिथुन चक्रवर्ती यांनी म्हटले की, आपण पुढची लोकसभा निवडणूक लढवणार नाही, पण भाजपच्या निवडणूक प्रचाराचा भाग असणार आहोत. यावर भर देत येत्या 1 तारखेपासूनच निवडणूक प्रचाराला सुरुवात करणार असल्याचे त्यांनी सांगितले. या काळात पश्चिम बंगालमधील निवडणूक प्रचाराव्यतिरिक्त इतर कोणत्याही राज्यात जावे लागले तर तेथेही जाईन, असे ते म्हणाले.
पंतप्रधान नरेंद्र मोदी यांनी त्यांना फोन करून त्यांची प्रकृती विचारली.
हॉस्पिटलमधून बाहेर पडताना मिथुन चक्रवर्ती म्हणाले, 'मी पूर्णपणे ठीक आहे. मला माझ्या खाण्याच्या सवयींवर नियंत्रण ठेवावे लागेल. बघू, मी लवकरच कामाला सुरुवात करू शकतो आणि कदाचित मंगळवारपासून कामाला सुरुवात करेल. पंतप्रधान नरेंद्र मोदी यांनी त्यांना फोन करून प्रकृतीची विचारपूस केली. यावेळी पंतप्रधान मोदी यांनी प्रकृतीची काळजी न घेतल्याबद्दल रागावले असल्याचे मिथुन यांनी म्हटले.
मिथुन यांनी हिंदी, बंगाली, ओरिया, भोजपुरी आणि तमिळ भाषेतील सुमारे 350 चित्रपटांमध्ये काम केले आहे.