Mitali Mayekar: अभिनेत्री मिताली मयेकर (Mitali Mayekar) ही तिच्या सोशल मीडियावरील पोस्टमुळे चर्चेत असते.मिताली ही वेगवेगळ्या लूकमधील फोटो सोशल मीडियावर शेअर करते. सध्या बार्बी चित्रपटामुळे बार्बी थिमवर आधारित असणारे फोटो आणि व्हिडीओ नेटकरी सोशल मीडियावर शेअर करत आहेत. पण मिताली मात्र मराठमोळी बार्बी झाली आहे. तिनं एक खास व्हिडीओ नुकताच सोशल मीडियावर शेअर केला आहे.
मितालीनं शेअर केलेल्या व्हिडीओमध्ये ती पिंक कलरच्या साड्यांमध्ये दिसत आहे. या व्हिडीओला मितालीनं कॅप्शन दिलं,'जर बार्बी भारतीय असली असती तर?' मितालीच्या या व्हिडीओवर नेटकऱ्यांनी लाइक्स आणि कमेंट्सचा वर्षाव केला आहे. पण मितालीचा पती सिद्धार्थ चांदेकरनं (Siddharth Chandekar) मितालीच्या या व्हिडीओवर केलेल्या कमेंटनं अनेकांचे लक्ष वेधले आहे.
सिद्धार्थची कमेंट
सिद्धार्थनं मितालीच्या या बार्बी थिम व्हिडीओवर कमेंट केली, 'बार्बीसोबत लगीन करायचंय करु दे ना वं?' सिद्धार्थच्या या कमेंटला मितालीनं, Ote! असा रिप्लाय दिला आहे. सिद्धार्थसोबतच गायत्री दातार, रसिका सुनील यांनी देखील मितालीच्या व्हिडीओवर कमेंट केली आहे.
मितालीनं 2021 मध्ये अभिनेता सिद्धार्थ चांदेकरसोबत (Siddharth Chandekar) लग्नगाठ बांधली. सिद्धार्थ आणि मिताली हे एकमेकांसोबतचे फोटो सोशल मीडियावर शेअर करत असतात.
मिताली ही मराठी मालिका आणि चित्रपटांमधून प्रेक्षकांच्या भेटीस येत असते. स्माईल प्लिज, हॅशटॅग प्रेम, यारी दोस्ती या चित्रपटांमध्ये मितालीनं काम केलं आहे. तर असंभव, भाग्यलक्ष्मी, फ्रेशर्स या मालिकांमधून ती प्रेक्षकांच्या भेटीस आली. मितालीच्या आगामी चित्रपट आणि मालिकांची प्रेक्षक उत्सुकतेने वाट बघत आहेत. मिताली ही सोशल मीडियावर अॅक्टिव्ह असते. वेगवेगळ्या लूकमधील फोटो ती शेअर करते. तिला इन्स्टाग्रामवर 712K फॉलोवर्स आहेत. सिद्धार्थ आणि मिताली यांच्या फोटोवर नेटकरी लाइक्स आणि कमेंट्सचा वर्षाव करत असतात.
इतर महत्वाच्या बातम्या:
Mitali Mayekar: मिताली मयेकरचा बिकिनी लूक चर्चेत; फोटो शेअर करत म्हणाली, 'आपली संस्कृती...'