Miss Universe 2021 Harnaaz Sandhu : विश्वसुंदरीचा किताब जिंकणारी हरनाज संधू आणि अभिनेत्री उपासना सिंहमध्ये खास नातं

रवी जैन Updated at: 13 Dec 2021 08:20 PM (IST)

Edited By: मंजिरी पोखरकर

Miss Universe 2021 Harnaaz Sandhu : विश्वसुंदरीचा किताब जिंकणाऱ्या हरनाज संधूचे आणि अभिनेत्री उपासना सिंहचे खास नाते आहे.

Harnaaz_Sandhu

Miss Universe 2021 Harnaaz Sandhu : बॉलिवूड आणि पंजाबी सिनेसृष्टीतील अभिनेत्री उपासना सिंह आणि विश्वसुंदरीचा किताब जिंकणारी हरनाज संधूचे (Harnaaz Sandhu) खास नाते आहे. उपासना हरनाजला वैयक्तिकरित्या ओळखते. उपासनाने हरनाज संधूने विश्वसुंदरीचा किताब मिळवल्यामुळे आनंद व्यक्त केला आहे.

उपासना म्हणते,"विश्वसुंदरीचा किताब जिंकल्यानंतर हरनाजने मला इस्रायलमधून फोन केला. हा किताब मिळाल्याने तिला खूप आनंद झाला आहे. 21 वर्षांनंतर तिने मिस युनिवर्सचा किताब जिंकला आहे. ही अत्यंत अभिमानाची गोष्ट आहे".

उपासना पुढे म्हणाली,इस्रायलमधील स्पर्धेसाठी रवाना होण्यापूर्वी हरनाजने मला स्वादिष्ट राजमा आणि भात खायला दिला होता. स्पर्धेबाबत तिच्यात आत्मविश्वासही होता. या आत्मविश्वासामुळेच तिने हे यश संपादन केले आहे. मला हरनाजचा खूप अभिमान आहे.

कोण आहे हरनाझ संधू?
हरनाझ संधू चंदीगडची राहणारी असून ती पेशाने मॉडेल आहे. तिने पंजाबी चित्रपटसृष्टीत पदार्पण केले आहे. हरनाझ 'यारा दियां पू बारां' आणि 'बाई जी कुट्टांगे' या पंजाबी चित्रपटात झळकली आहे. तिने अनेक सौंदर्य स्पर्धांमध्ये भाग घेत विजय मिळवला आहे. त्याशिवाय ती अभ्यासातही हुशार आहे. तिचे पदवी शिक्षण पूर्ण झाले असून सध्या ती सध्या पदव्यूतर शिक्षण पूर्ण करत आहे. तिला घोडेस्वारी आणि पोहण्याची आवड आहे.

संबंधित बातम्या