Man Kasturi Re : नितीन केणी यांच्या नेतृत्वाखालील मुंबई मुव्ही टॉकीज नेहमीच वेगवेगळ्या विषयाचे सिनेमा घेऊन येत असते. मुंबई मुव्ही स्टुडिओज यांनी आत्तापर्यंत मराठीत लोचा झाला रे , शेरशिवराज, मल्याळममध्ध्ये पाथम वळवू असे वेगवेगळे सिनेमा आणले आहेत. तर निर्माते नितीन केणी गदर, रुस्तम, सैराट, शेरशिवराज-स्वारी अफजलखान या यशस्वी सिनेमांनंतर ‘मन कस्तुरी रे’(Man Kasturi Re) हा सिनेमा घेऊन येत आहेत.  सिनेमाचे नवीन पोस्टर नुकतेच सोशल मिडीयावर प्रदर्शित करण्यात आले आहे. ‘मन कस्तुरी रे’ हा सिनेमा 4 नोव्हेंबरला प्रदर्शित होणार आहे. चंचल मनाची प्रेम कथा असं या सिनेमा बद्दल म्हणता येईल. या पोस्टरमधून बिनधास्त श्रुती आणि तिला सांभाळणारा सिद्धांत यांची केमिस्ट्री दिसून येत आहे. 


बिग बॉस 15 ची विजेती आणि नागिन मालिका फेम तेजस्वी प्रकाश (Tejasswi Prakash) या सिनेमामध्ये प्रमुख भूमिका साकारणार आहे. मुळची मराठी असलेल्या तेजस्वीने गेली अनेक वर्षे संस्कार -धरोहर अपनों की, स्वरांगिनी- जोडे रिश्तों के सूर, पहरेदार पिया की,सिलसिला बदलते रिश्तों का, बिग बॉस 15 आणि नागिन - 6 या हिंदी मालिकांतून पसंती मिळवली आहे. आता तेजस्वी मराठी सिनेमात दिसून येणार आहे. तेजस्वी सोबत अभिनय बेर्डेही वेगळ्या भूमिकेत दिसून येणार आहे. ती सध्या काय करते, अशी ही आशीकी आणि रम्पाट नंतर अभिनयच्या नव्या रोमँटिक सिनेमाची त्याच्या फॅन्सना उत्सुकता आहे. याचबरोबर मराठीतील अनेक नामवंत कलाकार या सिनेमात आहेत. 






'मन कस्तुरी रे'  या सिनेमाचे खारी बिस्कीट या गाजलेल्या सिनेमाचा लेखक संकेत माने यांनी या सिनेमाचे लेखन - दिग्दर्शन केले आहे.  तर वेंकट आर. अटिली आणि मृत्यूंजय किचंबरे यांनी या सिनेमाची निर्मीती केली आहे. निशीता केणी आणि करण कोंडे यांनी या सिनेमाची सहनिर्मीती केली आहे. तर यूएफओ मूव्हीज या सिनेमाचे वितरक पार्टनर आहेत.


वाचा इतर बातम्या: