Mahira Khan: पाकिस्तानी अभिनेत्री माहिरा खानचा (Mahira Khan) विवाह सोहळा काही दिवसांपूर्वी पार पडला. माहिरानं सलीम करीमसोबत (Salim Karim) लग्नगाठ बांधली आहे. माहिरानं नुकतेच तिच्या लग्नसोहळ्यातील काही फोटो आणि व्हिडीओ सोशल मीडियावर शेअर केले आहेत. तिनं या फोटो आणि व्हिडीओला खास कॅप्शन देखील दिलं आहे.
माहिरानं तिचा आणि सलीमचा एक फोटो सोशल मीडियावर शेअर केला आहे. या फोटोमध्ये दोघांचा रोमँटिक अंदाज दिसत आहे. माहिरानं शेअर केलेल्या या फोटोवर नेटकऱ्यांनी लाइक्स आणि कमेंट्सचा वर्षाव केला आहे. माहिरानं या शेअर केलेल्या या फोटोला मौनी रॉय,सोनम कपूर, रिया कपूर या सेलिब्रिटींनी कमेंट करुन सलीम आणि माहिरा यांना शुभेच्छा दिल्या आहेत.
माहिरानं तिच्या लग्नसोहळ्यातील एक व्हिडीओ देखील शेअर केला आहे. या व्हिडीओला माहिरानं कॅप्शन दिलं, 'माझा शेहजादा, सलीम'
पाहा व्हिडीओ:
2017 मध्ये सलीम आणि माहिरा यांची एका टीव्ही शोच्या निर्मितीदरम्यान भेटले झाली होती, असं म्हटलं जात आहे. माहिराचे यापूर्वी अली अस्करीसोबत लग्न झाले होते. दोघांना अजलम नावाचा मुलगा आहे. पण माहिरा आणि अली अस्करी हे विभक्त झाले आहेत.
माहिराचा पती सलीम करीम हा उद्योगपती आहे. 'पब्लिशएक्स (सिमपैसा) या संस्थेचा तो सह-संस्थापक आहे. सलीम करीम हा एक प्रोफेशनल डीजे देखील आहे, असंही म्हटलं जात आहे.
माहिराचे चित्रपट
माहिरा खाननं 'रईस' या हिंदी चित्रपटात प्रमुख भूमिका साकारली. या चित्रपटात महिरानं प्रसिद्ध अभिनेता शाहरुख खानसोबत काम केलं. हा चित्रपट 2017 मध्ये प्रेक्षकांच्या भेटीस आला होता. तसेच माहिरानं हमसफर या पाकिस्तानी मालिकेत देखील काम केलं आहे.
माहिराचा गेल्या वर्षी 'द लेजेंड ऑफ मौला जट्ट' हा चित्रपट प्रेक्षकांच्या भेटीस आला होता.या चित्रपटात पाकिस्तानी अभिनेता फवाद खाननं देखील प्रमुख भूमिका साकारली होती.
वाचा इतर महत्वाच्या बातम्या:
Mahira Khan Wedding : शाहरुखच्या 'रईस'अभिनेत्रीचं दुसरं लग्न! बॉयफ्रेंड सलीमसोबत अडकली लग्नबंधनात