Madhuri Dixit Son Arin Nene : 'धक धक गर्ल' माधुरी दीक्षित (Madhuri Dixit) आपल्या सौंदर्याने आणि अभिनयाने प्रेक्षकांच्या मनावर अधिराज्य गाजवत असते. अभिनय आणि सौंदर्यासह हास्य आणि नृत्यामुळेदेखील ती सर्वांचं लक्ष वेधून घेत असते. अनेक सुपरहिट सिनेमांत तिने काम केलं आहे. माधुरीचा मुलगा आता 21 वर्षांचा झाला असून त्याला पाहून चाहते हैराण झाले आहेत. अरिनचा (Arin Nene) लूकसमोर बॉलिवूड स्टार्सदेखील फेल आहेत.
माधुरी दीक्षित डॉक्टर श्रीराम नेने (Dr. Shriram Nene) यांच्यासोबत लग्नबंधनात अडकली. लग्नानंतर अनेक वर्षे ती सिनेसृष्टीपासून दूर होती. दरम्यान तिने दोन मुलांना जन्म दिला. माधुरीच्या मोठ्या मुलाचं नाव अरिन नेने (Arin Nene) असून धाकट्या मुलाचं नाव रयान नेने (Ryan Nene) आहे. माधुरीच्या 21 वर्षीय मुलाला पाहून चाहते हैराण झाले आहेत. त्याला पाहून हा मोठा स्टार होणार, असं चाहते म्हणत आहेत.
माधुरीच्या मुलाचा लूक पाहून चाहते हैराण
माधुरीचा मुलगा अरिन नेने नुकताच 21 वर्षांचा झाला आहे. त्यानिमित्ताने माधुरीने एक व्हिडीओ सोशल मीडियावर शेअर केला आहे. त्याआधी काही दिवसांपूर्वी अरिन माधुरीसह वडिलांच्या युट्यूब चॅनलवर दिसला होता. या व्हिडीओमधील अरिनच्या लूकवर चाहते फिदा झाले होते. व्हिडीओमध्ये अरिन नेने एक हँडसम हंकसारखे दिसत होते. मॉर्डन हेअर स्टाइलसह त्याचा लूक चाहत्यांच्या पसंतीस उतरला.
अरिन मोठा स्टार होणार
अरिनचा व्हिडीओ सोशल मीडियावर व्हायरल होत असून चाहते त्याचं कौतुक करताना दिसत आहेत. अरिनच्या व्यक्तिमत्त्वाचं चाहते भरभरून कौतुक करत आहेत. अरिन नेने रुपेरी पडद्यावर झळकला तर रातोरात स्टार होईल, असं चाहते म्हणत आहेत. अजय देवगन (Ajay Devgn) आणि इतर कलाकारांपेक्षाही अरिन हँडसम आहे. अरिन नेनेने अमेरिकेत शालेय शिक्षण घेतलं आहे.
काही दिवसांपासून मोठ्या प्रमाणात स्टारकिड्स बॉलिवूडमध्ये पदार्पण करत आहेत. स्टारकिड्सची तुलना सेलिब्रिटी असणाऱ्या त्यांच्या आई-वडिलांसोबत केली जाते. अशातच आता माधुरी दीक्षितचा मुलगा सिनेमात झळकणार का? त्याचा लूक पसंतीस उतरला असला तरी अभिनयाला प्रेक्षक दाद देतील का? असा प्रश्न उपस्थित होत आहे.
संबंधित बातम्या