Lochya Zala Re : प्रेमाचे रंग उधळणारा 'लोच्या झाला रे' आता अॅमेझॉन प्राईमवर होणार प्रदर्शित

Lochya Zala Re : सिनेमागृहात धुमाकूळ घातल्यानंतर आता 'लोच्या झाला रे'हा सिनेमा ओटीटी प्लॅटफॉर्मवर प्रदर्शित होणार आहे.

Lochya Zala Re : अंकुश चौधरीच्या 'लोच्या झाला रे'(Lochya Zala Re) सिनेमाने महाराष्ट्रासह परदेशातील प्रेक्षकांना चांगलेच हसवले. हा सिनेमा 4 फेब्रुवारी रोजी सिनेमागृहात प्रदर्शित झाला होता. आता हा सिनेमा ॲमेझॉन प्राईमवर प्रदर्शित होणार आहे. 

'लोच्या झाला रे' हा सिनेमा गुढी पाडव्याच्या शुभमुहूर्तावर म्हणजेच 1 एप्रिल रोजी अॅमेझॉन प्राईमवर प्रदर्शित होणार आहे. पारितोष पेंटर दिग्दर्शित या सिनेमात अंकुश चौधरी, सिद्धार्थ जाधव, सयाजी शिंदे, वैदेही परशुरामी, विजय पाटकर, प्रसाद खांडेकर, रेशम टिपणीस मुख्य भूमिकेत आहेत.

दिग्दर्शक पारितोष पेंटर म्हणाले,"कोरोना प्रादुर्भावामुळे आर्थिक चक्र विस्कटून गेले होते. मात्र आम्हाला हा सिनेमा सिनेमागृहातच प्रदर्शित करायचा होता आणि त्यासाठी आम्ही प्रतीक्षा केली.प्रेक्षकांकडून आलेला प्रतिसाद पाहता आम्ही हा सिनेमा आता ओटीटीच्या माध्यमातून प्रेक्षकांसमोर आणणार आहोत.  प्रेक्षकांसाठी नववर्षाची ही खास भेट आम्ही देत आहोत."   

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha